→ كل الوصفات
أحلى رز بلبن هاتعمليه بمكونات سحرية هاتخليه أطعم من الجاهز #المرور_الثاني
المقادير
- كوب أرز مصري
- كيلو حليب
- 2 كيس فانيليا
- 3 معالق كبيرة كريم شانتيه
- 2 معلقة كبيرة لبن بودرة
- 1 معلقة كبيرة نشا
- 3 كوب ونصف ماء
- قليل سكر حسب الرغبة
طريقة التحضير
- نقى الرز واغسليه وصفيه وحطيه في حلة على النار وحطى عليه ٣اكواب من الماء وهدى عليه النار تماما ويكون على اصغر شعلة لحد مايستوى تماما ويشرب كل الماء ولو لاقتيه شرب الماء و لسة نى زودى شوية ماء دافية اهم حاجة يشرب الماء كلها وقلبيه من وقت للتانى
- حطى عليه اللبن ويكون سخن وقلبيه كويس وبعد كدة ضيفي السكر و قلبى لحد مايدوب وبعدين ضيفي الفانيليا و قلبى برده
- هاتى نص كباية ماء وحطى فيها الكريم شانتيه واللبن البودرة والنشا ودوبيهم كويس وضيفيهم على الرز واللبن مع التقليب علشان مايكتلش معاكى وأول ماتحسى ان كله اندمج مع بعضه واللبن ابتدى يغلى شوية اطفى عليه النار واغرفى في أطباق التقديم هاتكلى أحلى رز بلبن في حياتك وأحسن وانضف من الجاهز وتحدى بس أهم حاجة امشى بالخطوات صح وبترتيب إضافة المكونات
- ملحوظة ملعقة نشا كفاية جداً علشان الرز فيه نشا فبلاش تزودي نشا علشان ميتقلش ويبقى وحش بتاع المحلات بيبقى سايل شوية وخفيف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد