→ كل الوصفات

أحلي حمام مشوي بالتتبيله المصري

الحمام اكله مصريه أصيله إشتهرت في الوجه البحري من البلاد و اشهر طريقه له هو (الحمام المدفوس في الرز) و ده بيبقي رز معمول في اطباق فخار غويطه مخصوصه للافران اسمها(برام او برمه) بيكون رز و مايه و حليب دسم و سمن و فشطه و يدفن فيها الحمام حتي ينضج الجميع و يحمر الوجه و هو من الذ الوصفات المصريه الأساسيه.اليوم بنقدم طريقه تانيه للحمام و هو الحمام المشوي بأسهل الطرق و أسرعها و هنقدم معاه برام رز بنفس المكونات اللي قولتها فوق بس من غير الحمام ..

  • حمام مغسول كويس و منقوع في مايه وخل وملح
  • مايه بصلتين كبار مبشورين ومعصورين(بدون التفل)
  • ليمونتين معصورين
  • فلفل اسود و ملح حسب الذوق
  • معلقتين طعام زعتر اخضر او جاف مقدار
  • معلقتين طعام خل ابيض
  1. يشطف الحمام من المايه و يشق بالسكين من الضهر و يفرد و يصفي
  2. يتبل بكافه المكونات ما عدا الملح و يترك في التتبيله اقل وقت ساعتين (يفضل وضعه في التلاجه)
  3. يضاف له الملح و يوضع في صينيه و يغلف بورق الزبده و فوقه المونيوم فويل و يدخل فرن عالي الحراره (٢٠٠درجه)حوالي ساعه الا ربع حتي ينضج ثلاثه ارباع النضج
  4. يترك لتهدأ حرارته ثم يدهن صاج و يترك ليسخن جداً علي البوتاجاز من اعلي و يرص عليه الحمام حتي يكتمل سواه و يأخذ لون الشوي
  5. يقدم علي فرشه بقدونس و حلقات ليمون و يقدم..الف هنا🌷
عجبتك الوصفة؟
شوف كل وصفاتنا في مكان واحد
كل الوصفات →