→ كل الوصفات

أرز اكسبراس بالخضر والطون

اللهم صل وسلم وبارك على سيدنا محمد، جربت اليوم وصفة الأرز على طريقــة الصديقة 🥰 والأخت الغالية Amouli Belkisso جاء بزاف بنين 😋 وعجب ولادي👌🏻، أنا غيرت فقط في بلاصة الدجاج درت الطون والتوابل على حساب ذوقي، نقولك ختي من هاذ المنبر وصفة #ولا_الذ في ميزان حسناتك إن شاء الله.

  • غرفية ارز بسمتي أبيض
  • 2 ملاعق كبار زيت
  • ملعقة صغيرة سمن
  • حبة بصل صغيرة مقطعرة رقيق
  • حبة جزر مقطعة رقيق
  • حبة فلفل أخضر حلو مقطعة رقيق
  • 3 فصوص ثوم
  • حبة طماطم منقية ومقطعة مربعات صغار
  • ملعقة صغيرة طماطم مصبرة
  • 3 ورقات رند
  • للتوابل نحتاج
  • الملح حسب الذوق
  • ½ ملعقة صغيرة كركم
  • ¼ ملعقة صغيرة فلفل أسود
  • 1/2 ملعقة صغيرة كاري الدجاج
  • ملعقة صغيرة فلفلة حمرة (بابريكا)
  • ¼ ملعقة صغيرة سكين جبير
  • علبة طون مصفية من الزيت
  • 3 غرفيات ماء سخون
  • 2 حبات بيض مسلوق
  1. نبدأ على بركة الله، عبرت الأرز بغرفية متوسطة ماشي معمرة مليح غسلتو عدة مرات وحطيتو في إناء وفرغت عليه ماء بارد وخليتو بجيه. ملاحظة مهمة: حطيتو في ماء بارد خفت إلى يتعجن لأني استعملت الأرز بسمتي
  2. في طنجرة حطيت فيها الزيت والسمن مع البصل قليتها شوية وضفت عليها الجزر حركت وقليتو شوية ثم ضفت الفلفل الأخضر وقليت الكل جيدا. ملاحظة مهمة: من الأحسن تقطيع الخضر بنفس الحجم لتستوي بنفس الطريقة
  3. ثم نضيف الثوم مرابي نقليهم مليح مليح على نار هادية مع التحريك ثم نزيد عليهم الارز بعد ما نصفيه من الماء و نقليه مليح مع الخضر
  4. في هاذ الوقت نضيف التوابل وورقات الرند والملح نخلط الكل جيدا. نضيف الطماطم المقطعة قطع صغيرة مع التحريك المستمر
  5. كي تذبال الطماطم دائما على نار هادئة نضيف الطماطم المصبرة نخلط مليح ثم نضيف علبة طون نكون صفيتها من الزيت نخلط جيدا حتى يتشرب الأرز جميع النكهات. ملاحظة: إذا حبيتو ذوق الطون بارز أكثر تقدرو ضيفو علبتين من الطون
  6. ثم نمرق بالماء الساخن جدا (يكون غالي) نحركو و كي يبدا يغلي نغطي عليه ونقص للنار تماما و نخليه يطيب على خاطرو. ملاحظة مهمة: عبرة 3 غرفيات ماء بنفس الغرفية اللي عبرت بيها الأرز
  7. حتى ينشف و يدير ثقوب نطفي عليه مدة الطهي تقريبا 20 دقيقة وتبقى المدة على حساب نوعية الارز، نخليه عشر دقايق عاد نقدمو يجي مفروز
  8. ويقدّم بألف صحة وهنا، زينتو بالبيض المسلوق.😋🥰😋
عجبتك الوصفة؟
شوف كل وصفاتنا في مكان واحد
كل الوصفات →