→ كل الوصفات
طريقة عمل أرز بالبصل والجمبرى 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب أرز مصري مغسول
- بصله متوسطه الحجم
- 0.25 كيلو جمبرى مغسول ومتنظف
- ملح
- 0.5 ملعقه صغيره فلفل اسود
- ملعقه صغيره كزبره ناشفه
- ملعقه صغيره كمون
- 0.25 ملعقه صغيره قرفه
- 0.25 ملعقه صغيره زنجبيل
- زبده أو سمن
طريقة التحضير
- نسخن الزبده وننزل عليها بالبصل المقطع صغير جدا ونقلب البصل لحد ما يتحمر لونه ويوصل للون غامق
- ننزل على البصل المتحمر بكوب مياه لحد ما المياه توصل للغليان نحط الرز ونظبط الماء لو كتير نقللها ولو قليله نزودها الرز المصري بياخد لكل كوب أرز كوب مياه
- ونضع التوابل على الأرز اللى هي ملح وفلفل وكمون وكزبره ورشه قرفة ورشة زنجبيل ونسيبه على نار متوسطة لحد الغليان نوطى عليه النار خاالص ونغطى عليه ونسيبه يستوى حوالى تلت ساعة الجمبرة
- الجمبرى، نسخن زبده في طاسه ونحط الجمبرى ونقلبه ونحط عليه نفس توابل الأرز ونقلبه لحد ما يستوى حوالى 5 دقايق
- نقدم الأرز وعليه الجمبرى وبس كدا ينفع مع سمك مقلى أو مشوي اى نوع سمك وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد