→ كل الوصفات
#وصفات_بالارز عملت ارز بالشعيرية جنب فراخ محمرة وقولت كل النصايح اللي مش هتخليه يعجن منك ويبقى مفلفل وحلو 💖
المقادير
- كوبين من الأرز المصري
- كوب من الشعيرية
- ملعقتين ك زيت
- رشة فلفل اسود
- رشة بهارات دجاج "اختيارية"
- 3 اكواب من الشوربة او الماء المغلي
طريقة التحضير
- نغسل الرز كويس جداً عشان النشا تنزل منه وميعجنش معانا ، ودي صورة بعد ما اتغسل واثناء الغسل ، وبعد كدا نصفيه من الماء ونسيبه يصفي عقبال ما نعمل الشعيرية
- نجيب حلة او صينية ،انا بعمله في صينيه بحسه بيبقي مفلفل اكتر ، نحط الزيت يسخن وننزل بالشعيرية نقلبها لغاية ما يبقى لونها ذهبي
- ننزل بالرز ونفضل نقلبهم مع بعض لغاية ما الرز يشخلل مع الشعيرية لاني دي خطوة بتمنعه من انه يعجن
- بعد كدا ننزل بالشوربة انا كنت عاملة فراخ ،فسقيته بالشوربة لان طعمه بيها بيبقي خطيير ، وممكن لو مفيش شوربة بماء مغلية ولو بتحبي مرقة الدجاج حطي مكعب ،هنا انا حطيت حوالي ٣اكواب من الشوربة وظبط ملحها طبعاً 👌
- بعد ما حطينا الشوربة نغطيه ، ونسيبه حوالي ٣دقائق هيكون شرب كل الشورب بالشكل دا
- نغطيه ونخفف عليه النار خالص ، وبعدها بحوالي ١٠د نقلبه ،ونغطيه تاني ونفتح بعدها بكام دقيقة وهيكون استوي وبقي جميل وبالهنا والشفا على قلوبكم😍🌸💖
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد