→ كل الوصفات

أرز باللبن

الوصفة دى وصفة الحلوانية الكبار زي لابوار وفيها تكات اللي تخلى الرز بلبن طعمه ريتشى والرزاية شاربك اللبن والقوام كريمي والوش مكرمش زي بتاع برا

  • كوب ارز 350 ملل أو الشوب بتاع العصير
  • 2,5 كيلو لبن يفضل جاموسى عشان عالى الدسم
  • 10 معالق ك سكر أو حسب الرغبة
  • 4 معالق ك قشطة أو اي كمية ولو مافيش خالص خلاص
  • كيس كريم شانتيه دريم
  • كيسين فانيليا
  1. يتم تحضير الكريم شانتيه بوضعه في مج كبير واضافة لبن من الكمية المذكورة على الكريم شانتيه ونقلب كويس ونشيله في الثلاجة مؤقتًا لحد ما نحتاجه
  2. هانغلى باقي كمية اللبن وقبل الغليان بدقيقة او خلاص حاسين ان اللبن هايعلى نضيف الرز من غير غسيل زي ما هو على اللبن ونقلب لحد ما يغلى
  3. بعد الغليان نطفى النار ونغطي الحلة كويس ونسيبها ساعة ونص تقريبا
  4. بعد ساعة ونص هانفتح الحلة ها نلاقى الرز فنش وشرب اللبن وشبه استوى نولع ثاني على نار هادية ونفضل نقلب لحد ميبتدى يغلى وقوامه يتخن شوية ونلاقى الرز ابتدى يطلع على الوجه ساعتها نضيف الكريم شانتيه اللي شايلينه في الثلاجة ونقلب ثاني لحد ما القوام يتخن
  5. نضيف السكر بعد تمام نضج الرز وظهوره على الوجه من ثاني عشان نضمن انه خرج كل النشا منه
  6. نقلب دقيقتين ونضيف القشطة ونقلب شوية لو مافيش قشطة نقلب دقيقتين ونطفى وبعد ما نطفى نضيف الفانيليا ونقلب ونصب في اطباق ليها غطا محكم
  7. نسيب الاطباق مفتوحة لحد ماتبرد خالص حوالى ساعة كدا او على حسب الجو وأول ما تبرد خالص نغطيها ونشيلها في الثلاجة ونبيتها ليلة ونفتح ها نلاقى الوجه المكرمش المميز
  8. لو عاوزين نعمل رز بلبن فرن بدل ما نصب في أطباق هانصب في طواجن او فويل ونحطه تحت الشواية لحين احمرار الوجه
عجبتك الوصفة؟
شوف كل وصفاتنا في مكان واحد
كل الوصفات →