→ كل الوصفات

أرز باللحم على طريقتي

ردتو على طريقتي و خرج بنين بزااااف واللحم طايب زبدة

  • قطعتين من اللحم غنمي او بقري
  • كاس أرز بسمتي
  • حبة بصلة كاملة
  • حبة طماطم كاملة
  • حبة جزر كبيرة
  • 50 غ جلبانة
  • بهارات
  • فلفل احمر حلو
  • ملح وفلفل اسود حسب الرغبة
  • ملعقه صغيره كركم
  • كسبر مرحي
  • ملعقة صغيرة طماطم مصبرة
  • ورقة رند
  • ملعقيتين زيت
  • معندوس
  • 4 سنات ثوم
  1. في طنجرة الضغط نحط الزيت البصل اللحم و الجلبانة نقليهم نزيدلهم الجزر و نقطع الثوم ونقليهم معاهم راح تجي ريحة هايلة هههه
  2. نقطع الطماطم و المعدنوس نظيف البهارات وطماطم المصبرة و نخلي لحم يطيب شوية فيهم
  3. كي يطيب شويه نسخن كاس و نصف ما و تمرق الخليط مانكثرش الماء بهذا الشكل نغطي اللحم فقط ونسكر الطنجرة و نقصلها طيب
  4. هنا طاب اللحم زبدة و لاصوص خاثرة
  5. نحب اللحم نتاعي و نحي معاه قليل من الصلصة نحتاجها مع لخر نطيب الارز و في الماء و الملح و نصفيه و نخليه ينشف مليييح من الماء و نحطو في الصلصة و نشعل عليها خمس دقايق و نطفي و نخليها تشرب
  6. انا حبيت اللحم نتاعي نعاود نقليه حمرتو شوية هو اصلا طاب زبدة هههه
  7. في طبق تقديم نحط الارز و اللحم و نحط فوق اللحم قليل من الصلصة لي خليت صدقوني يجي بنين بزاف انا مانحبوش و كليتو ديروه هكذ راح تحبوه 😍
عجبتك الوصفة؟
شوف كل وصفاتنا في مكان واحد
كل الوصفات →