→ كل الوصفات
للدايت : أرز بسمتي بالخضار مع فاهيتا فراخ وجبة جميلة جداً ومغذية ومفيدة
المقادير
- 250 جرام صدور دجاج
- 100 جرام أرز بسمتي
- 1 فلفل ألوان
- 0.5 كوب بسلة (بازيلا)
- 0.5 كوب جزر, مكعبات صغيرة
- 0.5 كوب مشروم (فطر)
- 0.25 كوب زبادي
- 1 بصلة, متوسطة ,مقطعة شرائح
- قليل زيت زيتون
- 0.5 ليمونة
- ملح
- بابريكا
- زعتر
- قرفة
- فلفل اسود
- حبة البركة
طريقة التحضير
- في الأول, هنحضر التوابل ومعاها ربع كوب زبادي ومعلقة زيت زيتون و نص الليمونة ونخلطهم ببعض
- هنقطع الصدور شرائح رفيعة وطويلة, زي الشاورما. ونخلطها بخلطة التوابل. ونسيبها في التلاجة مدة ساعتين
- تاني حاجة, نحضر الرز، نغسل ١٠٠ جرام ارز بسمتي هندي او تايلاندي ونحط ملعقة زيت زيتون في الحلة وننزل بالرز ومعلقة ملح, ونزود المايه لو احتاجنا
- بعدها نحط البسلة والجزر ونخلطهم بالرز. ونوطي عليهم خالص لحد ما يستوي كويس
- نقطع البصل والفلفل الالوان شرائح ومعاهم مشروم طازج. ونشوحهم في ملعقة زيت ونرفعهم من على النار, لما يكونوا استوا بنسبة ٥٠٪
- نرجع للفراخ وننزل بيها في طاسة فيها ملعقة زيت زيتون ونسويها لحد ما تحمر وتخرج كل المايه. وبعدها ننزل بالفلفل الالوان والبصل والمشروم ونزود ربع كوباية مايه ونقلبهم ونغطيها, لحد ما المايه تنشف وتكون كل حاجة استوت
- نفرغ الارز ونقدمه في طبق واحد مع الفراخ والخضار. وبكده تكون وجبة فيها كل العناصر الغذائية المهمة لينا واهمها طبعاً البروتين والڤيتامينات وبنسبة نشويات قليلة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد