→ كل الوصفات

أرز بصلصة الحوت

#حبوب_جافة

  • كمية من الارز حسب عدد الافراد
  • حوت حسب الرغبة (انا درت 1 بوري و1 لودماغ "ذئب البحر")
  • فنجان جلبانة (بازيلا)
  • بصلة
  • حبة طماطم
  • 4 فصوص ثوم
  • رند (غار) وزعيترة
  • زيت وزبدة
  • ملح
  • م ص كمون
  • م ص فلفل اسود
  • م ص ثوم بودرة
  • م ص فلفل عكري
  • م ك طماطم مصبرة
  1. اولا ننقي الحوت ونضعه يغلي في قدر مع وريقة رند (غار) وعود زعيترة
  2. كي يطيب (يستوي) الحوت نحيه ونصفي الماء هاداك نقسمو على 2
  3. في قدر نضع كمية الارز مع ضعف الكمية ماء الحوت ملح وزيت ونخليه يغلي
  4. بالنسبة للصلصة :في طنجرة اخرى نضع البصلة والطماطم والثوم مرحيين والزيت والتوابل مع الرند وزعيترة والجلبانة نقليهم مليح ونمرق بماء الحوت لي قعدلي ونخليهم يطيبو كي يطيبو نضيف الحوت لي نكون ديزوصيتو وقسمتو قطع صغيرة ونخليهم يجمرو (انا زدتلو باطة تونة طماطم)
  5. لما يطيب (يستوي) الارز نشلو بالماء البارد باش مايتعجنش ونضيفلو ملعقة زبدة ونخليه (لي تحب تلونو بالزعفران كل واحدة وذوقها انا مايحبوهش بالزعفران)
  6. عند التقديم ضعي الارز في الصحن اسقيه بالصلصة وبالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →