→ كل الوصفات

أرز صيادية مصري

طبعاً مينفعش اكلة سمك من غير طبق رز صيادية يظبطها وعشان كدا جيبتلكو الوصفة اللي تجنن دي

  • 2 كوب أرز مصري
  • 2 كوب ماء
  • بصلة صغيرة
  • ملح
  • 5 معالق زيت
  1. نقطع البصلة مكعبات صغيرة ونحمرها كويس في الزيت لحد ما تأخذ اللون البني المميز
  2. نحط الماء والملح على البصلة ونغطي الحلة ونسيبها لحد ما الماء تغلي كويس عشان تأخذ لون البصل المحمر
  3. على ما الماء تغلي نكون غسلنا الرز ونصفيه كويس ونضيفه على الماء ونقلب
  4. هنخلي الرز يغلي دقيقتين على نار عالية لحد ما الماء تبدأ تتشرب في الرز وبعدين نهدي عليه النار على اقل درجة لمدة ٢٠ دقيقة
  5. اهم خطوة ان لما نتأكد ان الرز استوي كويس والمية اتشربت كلها نطفي النار ونسيب الحلة متغطية ٥ دقائق. الخطوة دي هتضمنلك ان الرز يطلع مستوي كويس ومفرفر من بعضه ومستحيل يلزق منك في الحلة
عجبتك الوصفة؟
شوف كل وصفاتنا في مكان واحد
كل الوصفات →