→ كل الوصفات

أرز معمر بالكبد

#طبخات_عائلتي

  • 2 كوب ارز
  • ¼ كيلو كبد فراخ
  • 2 كوب لبن
  • كوب شوربه
  • 1 معلقه سمنه فلاحي
  • 2 معلقه زيت
  • أقل من ربع كوب ماء
  • 1 بصله مبشوره
  • ملح
  • فلفل اسود
  • 2 فصين حبهان
  • ورق لوري
  • رشه قرفة
  • قليل قشطه وجه اللبن, للوجه
  1. في طاسه فيها معلقتين زيت ننزل بالبصله ولما تذبل ننزل عليها بالكبد بعد ما نكون غسلناها كويس جيد و قطعناها مكعبات
  2. لما الكبده تتشوح وتغير لونها ننزل عليها بالحبهان وورق اللوري ورشه قرفة وأقل من ربع كوب ماء ولما تغلي نخفف النار و نغطيها نسيبها تستوي وطبعا نظبط الملح ورشه فلفل
  3. لما الكبده تستوي و تشرب الماء نقفل النار و نسيبها على جنب خلاص
  4. نيجي للرز هنغسله و نصفيه كويس جداً و نحطه في طاجن و عليه ملعقة سمنه و ملح و فلفل اسود و ندعكهم كويس جداً
  5. ننزل عليهم بالكبد و نقلبهم بحيث انها تتوزع في الرز كله و نصب عليهم اللبن و الشوربه سخنين و ندخلهم الفرن سخن على درجه حراره عاليه تحت خالص
  6. أول ما الرز يتشرب السوايل نطلع الطاجن ندهن وشه بالقشطه ونرجعه الفرن تاني بس على الرف الوسط لحد ما يستوي و ياخذ لون ذهبي حلو وبالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →