→ كل الوصفات
رحت زيارة على شرق آسيا وهناك أكلت رز مقلي .. مختلف عن اللي عملته بهالوصفة بسبب اختلاف الخضار عندهم عن اللي موجود عنا .. كمان هم بيطبخوا الرز وبعد ما يستوي بيخلطوا معه الخضار نية وبيكون زاكي كتير .. وكمان طريقة البيض مختلفة .. هم بيسلقوا البيض وبيغلفوه بالبقسماط بعدين بيقلوه .. أنا عملته مقلي مباشرة وريحت راسي وبطريقة دايت لأني بعمل رجيم 😂😂😂
المقادير
- 10 معالق أرز حبة قصيرة (مصري) مغسول ومنقوع
- حبة جزر متوسطة
- 0.5 حبة فليفلة خضراء
- حبة بصل متوسطة
- فلفل حار أو شطة للي بيحب الأكل الحار
- كوب مرقة دجاج أو لحمة لإضافة نكهة لذيذة للأرز (أنا استعملت ماء عادي)
- ملعقة كبيرة كزبرة ناشفة مطحونة
- ملح
- ملعقة زيت واحدة فقط
- 2 حبة بيض كبير
- ورق كاري ناشف (أنا جبته من هناك ومابعرف بشو ممكن تستبدلوه)
- أي خضار أو بهارات بتحبوها
طريقة التحضير
- نبرش الجزر والفليفلة ونقطع البصل قطع صغيرة
- في مقلى نضع ملعقة الزيت ونقلي فيها البيض (وممكن تسلقوه أو بأي شكل تحبوه)
- نضع البيض في طبق وبنفس المقلى نضع الخضار والأرز وورق الكاري ونستمر بالتقليب حتى تتحمر المكونات للدرجة التي نحبها
- بعد انتهاء التحمير نضع المكونات في وعاء طهي الأرز ونضيف الكزبرة الناشفة والملح وأي بهارات نحبها ونضع عيار الماء المناسب.. وإذا توافرت مرقة دجاج أو لحمة نضيف القليل لإضافة نكهة ألذ
- خلصنا 😅 صحتين وألف عافية.. بتمنى تجربوها ولا تحكو شو هالقرف بيض وأرز لإنه جد زاكية وبسيطة وسريعة جداً.. وإذا بتحبوا اقلوا الأرز لوحده وبعد النضج اخلطوا معه الخضار المبروشة.. وإذا في بصل أخضر بيطلع بيشهي 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد