→ كل الوصفات

أزكى برياني مع البصل المقرمش والزبيب المحمص

لذيذة جداً جداً 😘🌹😍👍😋🥰❤️

  • 2 دجاجة حجم وسط مقطعا ل 8 قطع
  • لتر ماء بارد
  • 1/2 كوب خل ابيض او خل تفاح
  • عصير ليمونة وحدة
  • قشر ليمونة وحدة
  • 2 م ك (معرمة) ملح خشن
  • ملعقة صغيرة من كل من
  • ملح
  • زنجبيل بودرة
  • بصل بودرة
  • ثوم بودرة
  • هيل بودرة
  • كاري
  • كركم
  • بهار برياني
  • 2 م ك خل ابيض
  • 2 م ك زيت زيتون
  • م ك دبس بندورة
  • م ك دبس فليفلة
  • 4 كوب ارز بسمتي منقوع 1/2ساعة بماء دافي مع قليل ملح
  • 2 م ك لبن زبادي
  • 2 بصلة صغيرة مقطعا ارباع
  • ورق غار
  • عود قرفة
  • هيل حب
  • قرنفل حب
  • فلفل اسود حب
  • قرنفل حب
  • لومي صحيح
  • م ص زنجبيل مبروش ناعم
  • م ص ثوم مبروش ناعم
  • 2 م ك زيت نباتي او سمنة
  • بصلة صغيرة مفرومة ناعم
  • 1/2 كوب زبيب منقوع بماء ساخن 1/2ساعة
  • 2 بصلة كبيرة مقطعا شرائح رفيعة
  • 1/2 كوب طحين
  1. بغسل الدجاج كتير منيح وبقطع كل دجاجة ل٨ قطع بخلط مكونات النقع وبنقع الدجاح فيه على اقل ساعتين لا٤ساعات بشيل الدجاج وبغسلن من ماء النقع وبتبلن بلتتبيلة
  2. بخلط بهارات التتبيلة وبنقع الدجاج بلتتبيلة من ساعتين ل٤ ساعات اوقبل بيوم حسب وقتك
  3. بطنجرة على النار بضيف البصل المقطع ارباع مع البهارات وبستنا لاتطلع ريحة البهارات بضيف الدجاج وبقلبو كويس مع البصل والبهارات بضيف اللبن الزبادي بضيف مقدار من الماء وبسيب الدجاج ينضج حوالي ساعة
  4. بطنجرة على النار بضيف زيت او سمن بقلب البصلة المفرومة ناعم مع الزنجبيل والثوم وبضيف نفس البهارات يلي ضفناها على الدجاج وبقلب كويس لاتطلع ريحة البهارات
  5. بصفي الرز من ماء النقع وبضيفو على البهارات مع البصل والثوم وبقلب تقليبتين بوزع قطع الدجاج وقليل من البصل المقرمش وقليل من الزبيب
  6. الزبيب بعد النقع بصفيه وبعصره من الماء وبحمصو بقليل زيت لياخدلون جميل بشيلن من الزيت بأخذ منو القليل مع الرز والباقي بخليه على جنب للتزيين
  7. للبصل المقرمش بعد تقطيعة شرائح رفيعة بضيف عليه الطحين وبقلبو كويس بحمي زيت غزير بقلبو على نار عالي لايتحمر ويتقرمش بضيف قليل من البصل مع الرز والباقي بخليه على جنب للتزيين
  8. بصفي مرقة الدجاج من البهارات وبضيفها على الرز بضيف ملح بهدي النار بسيب الرز ينضج ويأخذ طعم الدجاج من النكهات كلها
  9. بسكب الرز بطبق التقديم وعلى الوجه قطع الدجاج وكذلك الزبيب المحمص والبصل المقرمش وعلى الوجه المكسرات وتقدم مع اللبن الرايب وصحتين وهنا
  10. ملاحظة فينا نضيف الزنجبيل والثوم مع البصل والبهارات وقت سلق الدجاج بدل اضافتو للرز وفينا نستغني عنن حسب الرغبة وفينا نضيف كام قرن فلفل حار حسب الرغبة انا أكتفيت بلبهارات لانها صارة طعما حد شوي
عجبتك الوصفة؟
شوف كل وصفاتنا في مكان واحد
كل الوصفات →