→ كل الوصفات
طريقة عمل أسرع بسبوسه في الخلاط في ٥ دقائق بس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو دقيق سميد ناعم سادة
- كوب ماء
- كوب سكر
- كوب سمنه
- كوب ونصف ماء
- كوب ونصف سكر
- معلقة سمنه كبيرة فقط لاغير
طريقة التحضير
- في الخلاط نضع السكر مع الماء مع السمن المذاب غير الساخن ونضرب الاول على سرعه هادية حتى يذوب السكر ثم على سرعه عاليه للحصول على قوام كريمي
- ننزل بالخليط مرة واحدة على السميد ونقلب بالمعلقة حتى يتشرب السميد الخليط بس نخليه مش ناشف اوي نخلى فيه سائل شويه
- نحضر صينية مقاس ٣٠ وندهنها سمنه خفيفه ونصب الخليط فيها وربع كباية ماء نضعه مكان عجن السميد وناخد بايدينا من الماء على وجه السميد عشان يطرى ونفرده بايدينا ونساوى الصينية نخبط الأطراف على الرخامه وبعدين نخبط الصينيه كلها خبطتين وندخلها الفرن مسبق التسخين من اول ماابتدينا على حراره ٢٠٠ رف أوسط مع المروحه حتى يحمر الوجه لكن لو فرنك هادى زي حالاتى اول لما تلاقى اطرافها اتحمرت اطفى من تحت وشغلى الشوايه لحد ماالوش يتحمر
- اول مانقفل عليها باب الفرن نبتدى نحضر الشربات الخفيف بتاعنا اللي هوا كوب ونص سكر وكوب ونص ماء ونقلب على البارد كويس وبعدين نرفع على نار متوسطه ياخذ غلوتين بالظبط اضيف ملعقة السمنه واطفى عليه
- لما تخرج الصينيه من الفرن نسقيها بالشربات ونغطيها لحد لما تهدى ولما تتقطع هتلاقيها مش محتاجه سكينه وطريه جداً انا قطعتها بالاسباتيولا اللي في الصورة 😊
- بالهنا والشفا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد