→ كل الوصفات
#شاورما #عشاق_الشاورما
المقادير
- قطع فراخ متبقية من الغدا او اليوم السابق
- رشة ملح
- رشة فلفل اسود
- رشة بهارات
- معلقة طعام ثوم بودرة
- فلفل اخضر مقطع حسب الكمية
- معلقة زبدة
- خل
- طحينة خام
- مياه
- رشة كمون
- رشة ملح
طريقة التحضير
- نجيب الفراخ اللي فاضلة من الغدا او اللي بايته في الثلاجة من اليوم اللي قبله (بيبقى طعمها مغير بس صدقيني هيروح بعد الطبخ) وبنقطعها قطع ونحطها على جنب
- نغسل الفلفل الرومي وننضفه ونقطعه (انا بحب اقطعه بالمقص بتاع المطبخ، بينجز معايا وبيطلع لطيف)
- نجيب طاسة تيفال ونحطها على نار متوسطة وننزل فوقها بمعلقة الزبدة لحد ما تسيح وننزل فوقها ملعقة الثوم الباودر ونقلب لحد ما يبقى لونه بني فاتح نقوم حاطين رشة خل عليه ونقلب كويس ونحط الفلفل المقطع
- نحط الفراخ اللي قطعناها فوق الخليط ونكمل تقليب ولو نشفت نضيف نصف كوب مياه ونقلب تاني احد ما تستوي
- عشان نعمل الطحينة نحط الطحينة الخام فوقها رشة الكمون والملح وشوية خل وشوية مياه ونقلب كويس لحد ما يبقى قوامها متماسك
- نقطع السندوتشات ونحط الشاورما وفوقها الطحينة ونقدمها وبالهنا والشفا، وتحدي لو لقيتي الفراخ فيها طعم البايت 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد