→ كل الوصفات

أصابع الجلاش المقلية بحشوة الكاسترد 😋❤️

أصابع الجلاش المقلية دي بجد من أحلى الحلويات السهلة واللذيذة😋 إللي عملتها😍 في 10 دقائق بس🔟 هتكوني عاملة حاجة حلوة سريعة🏃‍♀️ ولذيذة جربي أصابع الجلاش المقلية بحشوة الكاسترد بجد هتدمنيها🤩❤️

  • 1 لفة من الجلاش
  • 2 كوب حليب
  • 2 ملعقة كبيرة سكر
  • 3 ملاعق كبيرة كاسترد بودرة
  • كمية من الشربات التقيل لنسقي بية أصابع الجلاش
  1. أولاً جيبي لفة الجلاش وأقسميها نصفين بالطول وبعد كدة حوطي كل الجلاش فوق بعض وغطية بفوطة مطبخ نظيفة عشان ما ينشفش 😍
  2. حضري بئا الكاسترد جيبي حاجة مناسبة وحوطي فيها الحليب والسكر والكاسترد البودرة وقلبيهم مع بعض كويس لحد لما يتقل القوام ويكون كريمي وبعد كدة شيليه من على النار وسيبية لحد ما يبرد حبة😍
  3. حوطي بعد كدة كمية من الكاسترد بالملعقة على ورقة واحدة من الجلاش وبعد كدة لفيها رول وقفليها من الجوانب وانتي بتلفي وبعد كدة حوطيها في صينية كبيرة او طبق كبير وخودي واحدة تانية واعملي فيها نفس الخطوات لحد لما تخلصي كل كمية الجلاش ولو عايزة تعملي كمية قليلة خودي عدد قليل من الجلاش وبعد كدة عيني العجينة الباقية في الفريزر لحد لما تستخدميها مرة تانية😍
  4. جيبى مقلاية وحوطي فيها زيت وبعد كدة حوطي رولات الجلاش في الزيت وحمريهم كلهم من الجانبين لحد لما ياخدو لون ذهبي حلو وبعد كدة خرجيهم من الزيت وحوطيهم في طبق ولما تخلصي كل الكمية حوطي عليها شربات تقيل حسب رغبتك وقدميها بعد كدة بجد لذيذة وتحفة👌🏻 مش هتبطلي تعمليها لو دوقتيها 🤩❤️
  5. 😋😋😋😋😋😋😋😋
  6. 😋😋😋😋😋😋😋😍❤️
عجبتك الوصفة؟
شوف كل وصفاتنا في مكان واحد
كل الوصفات →