→ كل الوصفات
#الشيف_الذهبي
المقادير
- كوب سودانى مجروش
- ½ كوب جوز الهند
- معلقتين شربات تقيل
- كوب زبدة حلويات سايحة
- 2 كوب سكر
- 2 كوب ماء
- نقطتين ليمون
- كيس فانيليا
طريقة التحضير
- نعمل الشربات الاول علشان يبرد
- نحط السكر والماء فى حلة ونقلبهم كويس
- نحطهم على النار ونحط نقطتين الليمون ونسيبهم حتى الغليان
- نطفى عليهم ونحط كيس الفانيليا ونقلب ونتركهم يبرد
- نجهز الحشوة بوضع السودانى المجروش مع جوز الهند مع ملعقتين الشربات التقيل ونقلب كويس علشان الحشو يمسك فى بعضه وميقعش من الجلاش
- نجيب طاجن كبير مستطيل او صينية وندهنها زبدة
- نجيب لفة الجلاش ونطلع كل ورقتين مع بعض نحط الحشو فى طرف الورقة ونلفها وندهن زبدة فى النص ونلف وفى اخر ربع فى الورقة ندهنها زبدة ونحطها فى الطاجن
- نكرر الخطوة اللى فاتت حتى تتم اللفة
- بعد مانرص ورق الجلاش اسطوانى فى الطاجن ندهنه زبدة من فوق بالفرشة
- نقطعها حسب الطول اللى احنا عايزينه
- ندخلها الفرن درجة ٢٠٠ حتى تاخد لون من فوق وتحت
- نخرجها من الفرن ونصب عليها الشربات البارد
- ندخلها الفرن وهو مطفى دقيقتين فقط ونطلعها
- نسيبها تبرد ونقدمها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد