→ كل الوصفات

أصابع بيتزا

Twisted pizza bread sticks 😋 وصفة حلوة اوي وتنفع تتحط ف لانش بوكس او مقبلات ع جنب تقدري تخليها رفيعه اكتر او سميكة شوية انا حطيت ليكم صورتين بحجمين مختلفين هتعجبكم جدا بإذن الله ❤️

  • 1/2 (3 كوب) دقيق قابل للزيادة او نقص
  • 1/4 كوب سكر
  • رشة ملح
  • 1/2 (2 م ك) خميرة
  • كوب لبن
  • 3 م ك زبدة سايحة
  • بيضه
  • صلصة بيتزا (عندكم طرقتين في صفحة عندي او جاهز)
  • رشة زعتر
  • رشة بصل بودر
  • ميكس جبن مبشورة (كميه حسب الرغبه)
  • اي حشوه تحبيها
  • رشة فلفل اسود
  1. ف بولة احط 2 كوب دقيق واحط عليها سكر ورشه ملح و الخميره ونقلبهم مع بعض
  2. واحط كوب لبن و زبده سايحه ونخلطهم واحط بيضه واقلب
  3. وبعدين انزل بباقي الدقيق بالتدريج مع العجن لحد مانوصل لعجينه طريه ومتماسكة و نحطها ف بولة واغطيها باسترتش رول واسيبها تتخمر ساعة
  4. وبعدين اطلعها واشيل استرتش واضغط عليها بايدي علشان تفرغ الهوا منها و بعدين ع رخامه مرشوش عليها دقيق احط العجينه وافردها
  5. و احط ع نصها صلصة بيتزا وارش عليها زعتر وبصل بودر وبعدين ارش جبن ميكس و اي حشوه تحبيها واقفل عليها بنص تاني واقفل الاطراف
  6. واقطعيها بالطول بس بالحجم اللي يناسبك بس يفضل رفيع و بعدين ألفها حلزوني و ارصصها صينيه مدهونه زيت وارش فلفل اسود عليها من فوق
  7. و ادخلها الفرن ع حرارة 200° تقريبا 20 دقيقه و شغلي الشوايه من فوق تاخد لون و تقدميها وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →