→ كل الوصفات

أفخاد الدجاج مع البطاطا بالفرن

#الشيف_الذهبي 👑 🇸🇾

  • 2 كيلو فخدات دجاج
  • 2 كيلو بطاطا
  • معلقة طعام ملح كبيرة
  • معلقة دبس بندورة
  • معلقة لبن رايب
  • معلقة دبس فليفلة
  • 1/2 معلقة كزبرة مطحونه
  • 1/2 معلقة كمون مطحون
  • معلقتين خل أبيض
  • كاسة كبيرة زيت زيتون
  • راس توم مهروس
  1. بسم الله الرحمن الرحيم 🌺 بغسل فخدات الدجاج وبنقعون بالملح والخل ساعة برجع بغسلون وبتبلون بضيف جميع لبهارات المذكورة ونص كمية زيت الزيتون
  2. بتبل الفخدات وبغطيهون وبتركون بالبراد شي ساعتين تقريبا او حسب الوقت يلي معك
  3. بقشر البطاطا وبقطعها دوائر سميكة شوي وبغسلا وبملحا وبضيف عليها رشة فليفلة وكزبرة وكمون بحط نص كمية الزيت المتبقية بأرض صينية الفرن وبصف البطاطا فوقا
  4. بطالع الفخدات وبصفون فوق البطاطا وبضيف جميع كمية لبهارات عليهون
  5. بكون محماية الفرن بحطا على الرف السفلي لتستوي البطاطا ويتحمر وجه الفخدات
  6. بطلعا وبقلب الفخدات عالوجه التاني مشان يتحمرو كمان
  7. بحضر جنبا سلطة خضرة ولبن بخيار صحتين وهنا 😋
عجبتك الوصفة؟
شوف كل وصفاتنا في مكان واحد
كل الوصفات →