→ كل الوصفات
#المريول_العالمي #البطاطس #أفحاذ_الدجاج اللهم صلّ وسلّم وبارك علـى سيّدنا محمد، حبيـت نشـارك معاكـم اليـوم ضمــن تحدي المريول العالمي أفخاذ الدجاج بالبطاطا المهروسة (بوري) والصلصة الهندية، بما أنني من محبي لا بوري جربتهــا علــى طريقــة الأخـــت الغاليــة الشـاف👨🏻🍳 المتميزة بوصفاتهــا الشهيــة والرائعـــة، مع بعض الإختلافات الطفيفة، جات بزاف 😋بنينة 👌🏻 نقولك حبيبتي في ميزان حسناتك إن شاء الله، نتمنى تعجبكم الطريقة، أمسية سعيــــدة أحبتــــي💖💐💖.
المقادير
- قطع دجاج حسب افراد الاسرة
- حبة بصلة صغيرة مقطعة رقيق
- 2 فصوص ثوم بالقشور
- ملعقة صغيرة ملح
- ¼ ملعقة صغيرة فلفل أسود
- ¼ ملعقة صغيرةكركم
- ملعقة صغيرة توابل الدجاج (ماريناد الدجاج)
- ملعقة صغيرة فلفلة حمرة حلوة (بابريكا)
- ¼ ملعقة صغيرة فلفلة حمرة حارة
- ¼ ملعقة صغيرة قصبر ناشف
- ¼ ملعقة صغيرة ثوم بودرة
- ¼ ملعقة صغيرة كاري
- 2 أوراق الرند أو الغار
- ملعقة صغيرة موتارد
- 3 ملاعق كبيرة زيت
- ملعقة صغيرة هريسة
- 3 ملاعق كبار كريمة سائلة
- 5 حبات بطاطا متوسطة الحجم
- 3 فصوص ثوم
- 1 ورقة روند أو الغار
- 04 قطع جبن مثلثات أو قطعة جبن طري
- ملعقة كبيرة زبدة
- كمية من الحليب الدافيء
- الملح حسب الذوق
طريقة التحضير
- نبدأ بسم الله أولا بتتبيلة الدجاج، في إناء حطيت الزيت والتوابل (الفلفل الأسود، الفلفلة حمرة الحلوة والحارة، الكركم، الكاري، تابل الدجاج، القصبر الناشف، الثوم بودرة، ورق الرند، ملعقة غيرة موتارد، ملعقة صغيرة هريسة) مع 3 ملاعق كبار كريمة خاصة بالطبخ خلطت الكل جيدا حتى انساجمت كل المكونات
- حطيت قطعة الدجاج (استعملت فخذ واحد فقط) ودهنتها جيدا بهاذ الخليط غطيتها وخليتها تقريبا ساعة في الثلاجة، كي فاتت الساعة دهنت طنجرة الضغط بالقليل من الزبدة وحطيت البصلة مقطعة قطع صغيرة مع فصين قوم بالقشر
- وحطيت قطعة الدجاج في الطنجرة (الكوكوت) وفرغت فوقها باقي التتبيلة بدون إضافة الماء اكتفيت بالكريمة فقط. غلقت عليها وخليتها تطهى جيدا
- في هاذ الوقت نروح نوجد البطاطا المهروسة، نقيت البطاطا وغسلتها جيدا قطعتها قطع عشوائية وحطيتها في طنجرة مع ورق الرند والثوم (يمكن الإستغناء عنها) وضفت عليها الماء وخليتها طيب على نار متوسطة حتى قريب نشفت، كي طابت مليح بلا ما نصفيها ضفت عليها الزبدة والملح والجبن والقليل من الحليب
- وضربتها وهي عاد سخونة بالضراب الكهربائي (الباتور) مع إضافة الحليب بالتدريج حتى تحصلت على بطاطا مهروسة كريمية خفيفة وبزاف بنيييينة
- في هاذ الوقت نفقد الكوكوت صبت الدجاج طاب نحيتو ودهنتو دهنة خفيفة بالزبدة ودخلتو للفرن المسخن مسبقا مدة 10 دقائق يدي لون ذهبي، وهاذيك الصلصة اللي تحصلنا عليها صفيتها وفرغتها في كاس للتقديم
- قدمتهـا مباشــرة وهــي ساخنــة مــع الدجـــاج والصلصــة وبألــف صحــة وهنــا👌🏻 تجي بزاف بنينة وخفيفة😋👌🏻😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد