→ كل الوصفات
وصفة لذيذة أوي😋 لعمل البطاطس قدميها كمقبلات بجانب الأكلات هتحبيها أوي جربيها وإن شاء الله هتعجبك 👌😍
المقادير
- 4 حبات بطاطس
- 3 ملاعق كبيرة دقيق
- 1 ملعقة صغيرة ملح
- 1 ملعقة صغيرة ثوم بودر
- 1 ملعقة صغيرة بصل بودر
- 1 ملعقة صغيرة بابريكا
- 1 ملعقة صغيرة فلفل اسود
- 1 كوب بقسماط
طريقة التحضير
- أولا إغسلي البطاطس وقطعيها نصفين وحوطيها في حلة مناسبة واسلقيها في ماء مضاف إلية ملعقة صغيرة ملح ولما تتسلق صفيها من الماء وشيلي قشرة البطاطس وحوطي بعد كدة البطاطس في طبق غويط 😍
- ضيفي بعد كدة على البطاطس الملح والفلفل والبابريكا والثوم والبصل البودر والدقيق وإهرسي البطاطس كويس جداً مع كل التوابل وبعد كدة خودي كمية من البطاطس وادهني إيدك بالزيت وكوري البطاطس وبعد كدة شكليها زي القرص وبعد كدة حوطيها في البقسماط غلفيها من الجانبين بالبقسماط وخلصي كل كمية البطاطس بالشكل ده 😍
- دخلي البطاطس بعد كدة الفريزر وسيبيها حوالي 10 دقائق والخطوة دي مش بتخلي البقسماط يفك من البطاطس وبعد كدة حمريها في الزيت😍
- قدمي بعد كدة البطاطس بجانب أكلات العيش أو المعكرونة بتكون حلوة جداً وممكن تعملي كمية وتخزنيها في الفريزر وتطلعيها عند الأستخدام بجد جميلة جداً وسهلة👌 جربيها وإن شاء الله هتعجبك وبالعافية عليكي حبيبتي 😘💞🌹💓
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد