→ كل الوصفات
وصفه سهلة ولذيذة لعمل المهلبية مع الكنافة والمكسرات ميكس لذيذ وحلو أوي😋 واحلى حاجة إنها بتقدم لفرد واحد جربيها كتحلية لذيذة في شهر رمضان المبارك 🌙✨ومتأكدة إنها هتعجبك😍👌🏻
المقادير
- لعمل الكنافة نحتاج
- 1/4 كيلو كنافة مفرومة
- 1/2 كوب سمنة مذابة
- 1/2 كوب شربات حلويات
- لعمل المهلبية نحتاج
- 4 كوب حليب
- 4 ملاعق كبيرة سكر
- 4 ملاعق كبيرة نشا
- 2 ملعقة كبيرة قشطة
- 1 كيس فانيلا
- مكسرات للتزيين
طريقة التحضير
- أولاً حضري الكنافة جيبى صينية وحوطي فيها الكنافة والسمنة المذابة وقلبيهم مع بعض كويس وبعد كدة دخلي الصينية الفرن عشان الكنافة تتحمر وكل 10 دقايق خرجيها من الفرن وقلبيها ودخليها تاني عشان كلها تتحمر وتاخد لون ذهبي حلو وبعد كدة خرجيها من الفرن وأول ما تخرج حوطي عليها شربات الحلويات البارد وقلبيهم مع بعض 😍
- حضري بعد كدة المهلبية جيبى حاجة مناسبة وحوطي فيها الحليب والسكر والنشا والفانيلا وقلبيهم مع بعض كويس وبعد كدة حوطيهم على نار هادية واستمري في التقليب لحد لما يتقل القوام ويكون كريمي وبعد كدة ضيفي القشطة وقلبيهم مع بعض كويس وشيلي المهلبية من على النار 😍
- جيبى أكواب التقديم ووزعي في كل كوب حبة كنافة وبعد كدة وزعي المهلبية في كل الأكواب ولما المهلبية تبرد حبة حوطي كنافة من فوق وزينيها بالمكسرات وانا ضفت قرفة للمكسرات لو بتحبي طعم القرفة ممكن تضيفيها حسب ذوقك 😍 ودخليها الثلاجة لمدة نصف ساعة وبعد كدة طلعيها من الثلاجه وقدميها لعيلتك كنوع من أنواع التحليه في شهر رمضان المبارك🌙✨ ورمضان كريم عليكي حبيبتي 😘❤️🌷
- 😋😋😋😋😋😋😋
- 😋😋😋😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد