→ كل الوصفات

أميريكان بيتزا 👌 American plzza🇺🇲 💪

#الشيف_الذهبي #صدقة_جارية #وصفة_ونصيحة البيتزا الامريكية بيتزا لذيذة ومختلفة عن البيتزا الإيطالي.. تتميز بسماكتها و اختلاف العجينة نوعا ما عن عجينة البيتزا الإيطالي وتتميز بشعبيتها الكبيرة لدي الأطفال والكبار جربوها بطريقتي يارب تعجبكم ❤️

  • 500 جرام دقيق مخبوزات او بيتزا
  • 1.5 م ص خميرة
  • 1 م ص بيكنج بودر
  • 1/2 م ص ملح
  • رشة بصل بودرة وتوم بودرة (أختياري)
  • 1 م ك خل وتعتبر محسن خبز وبديل رائع لة
  • 2 م ك سكر
  • 2 م ك لبن بودرة
  • 105 جرام زبادي (كوب زبادي)
  • بيضة بحرارة الغرفة
  • 2 م ك زيت
  • 1 م ك مايونيز (أختياري)
  • صلصة بيتزا مميزة 🍅 طريقتها على صفحتي
  • طماطم وفلفل وزيتون
  • جبنة موتزاريلا
  • تونة 🐟 او بسطرمة او فراخ او لانشون او ميكس جبن حسب الرغبة
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
  2. ننخل الدقيق مع البيكنج بودر والملح واللبن البودر
  3. في بولة هنضع الخميرة والسكر والزيت والبيضة والزبادي ونص كوب من الماء الدافي والمايونيز ونقلب كويس جدا
  4. نضيف عليهم الدقيق بالتدريج ونعجن كويس جدا لحد ما تبقى ناعمة ومطاطية ولو احتاجت مياة نزود بالتدريج
  5. نغطيها ونتركها تخمر في مكان دافي ومظلم لمدة ساعة وبعد ساعة نعجنها تاني ونخرج منها الهوا ونسيبها تخمر تاني ودي مهمة جدا لأنها بتدي عرق للعجينة وتنشط الجلوتين اكتر 😉
  6. نقطعها كورات حسب حجم البيتزا المطلوب وندهن صينية الخبز بزيت خفيف ونبطنها بدقيق سميد لو حبينها تبقى كرسبي من القعر او دقيق عادي او نضع ورقة ذبدة ونضع عجينة البيتزا
  7. نضع الصلصة والمكونات بتاعتي ومنحطش الجبنة
  8. الفرن يكون ساخن على أعلى درجة حرارة وندخل البيتزا عالرف الأقرب للارضية من ٥؛:٧ دقائق ونخرجها ونحط الجبنة فوق الوش وندخلها تاني من ٢:٣ دقايق حسب الجبنة ما تسيح وتكون العجينة اخدت لون دهبي من تحت ولو اخدت لون في خلال ٧ دقايق نطفي الفرن ونحط البيتزا تحت الشواية عشان الجبنة تسيح وتبقى مطاطية
  9. ملحوظة 🤓 البيتزا بتاخد من ١٠ :١٥ دقيقة في الفرن مش اكتر من كدة اطلاقا.. اللبن البودرة يعتبر محسن خبز وبيدي طراوة للعجينة ولون حلو جدا.. البيضة هنا اساسي و بتساعد العجينة تكون هشة وفيها فراغات زي الاسفنج.. الزبادي بردو اساسي وبيدي طراوة وبديلة نص كوب لبن علية م ص خل
  10. خطوة مهمة اننا نخرج الهوا منها وونعجنها بسيط ونتركها تخمر تاني نص ساعة⏰ لو حبينها بالتونه 🐟 شوفوا طريقة البيتزا بتاعتي على صفحتي لان التونة ليها طريقة معينة 😉💪 وهتبقى احلى من اي بيتزا جبتوها من برة بإذن الله ❤️
  11. أخيرا رجاء كل من مر هنا يدعوا لجدتي بالرحمة وان يجعلها ربي من اهل الفردوس الأعلى من الجنة يارب ❤️
عجبتك الوصفة؟
شوف كل وصفاتنا في مكان واحد
كل الوصفات →