→ كل الوصفات

أم على اللذيذة بالفطير المشلتت والمكسرات بطعم تحفة بجد 😋❤️

#أم_على بأحلى طعم وأسهل وصفة بالفطير المشلتت 👌😋❤️ #أكلات_عالشط⛱️

  • 1 فطير مشلتت أو أكتر حسب رغبتك
  • 3 كوب لبن وممكن نحتاج أكتر حسب ما يتشرب معانا الفطير
  • 3 ملاعق سكر
  • فانيليا
  • كيس كريم شانتيه أو 3 ملاعق لو كريم شانتيه سايب
  • قشطة
  • مكسرات زي ما تحبي
  1. أولا نضع الفطيرة في صينية في الفرن لحد ما تتحمر شوية وتنشف بعد كده نخرجها من الفرن ولما تبرد نكسرها بأدينا
  2. نجيب قوالب تدخل الفرن أو طواجن صغيرة شوفي أنتي هتقدميها أزاي بس المهم حاجة تدخل الفرن تتحمل الحراره☺️ نحوط فيها كمية معقوله من الفطير المكسر وعليه حبة مكسرات وعلية فطير كمان ونكمل كده في كل القوالب
  3. نسخن اللبن ونحوط عليه السكر وبودرة الكريم شانتيه ونقلبهم مع بعض ونحوطهم على الفطير لحد لما يتشرب اللبن وتغطي باللبن وبعد كدة نجيب قشطة ونحوطها على الوجه وندخل القوالب الفرن ونشغل الشواية لحد لما تتحمر يعني حوالي ٧ دقائق ونخرها بعد كدة من الفرن ونحوط عليها مكسرات وناكلها وهي دافية بتكون أحلى ولو بردت وحسيتي أنها محتاجه لبن حوطي عليها ☺️
  4. جربوها بجد تحفة وطعمها لذيذ إن شاء اللة تعجبكم 👌☺️
عجبتك الوصفة؟
شوف كل وصفاتنا في مكان واحد
كل الوصفات →