→ كل الوصفات

أوراك الدجاج المشوية بتتبيلة لذيذة وطعم مميز 😋❤️👌🏻

طريقة مميزة جداً لعمل أوراك الدجاج بتتبيلة لذيذة😋 جداً دايماً بعملها في البيت وبتعجب كل أسرتي😍❤️ جربيها أكيد هتعجبك 👌🏻❤️💛💚 #القادم_احلى #العلاج_بالطبخ #Cookingtherapy

  • 1 كيلو أوراك دجاج
  • 2 حبة بصل
  • 2حبة طماطم
  • 2 فلفل رومي
  • 1 عصير ليمونة
  • 3 ملاعق كبيرة خل
  • 1 ملعقة كبيرة ملح
  • 1 ملعقة كبيرة صلصة طماطم
  • 2 ملعقة كبيرة كاتشب
  • 2 ملعقة كبيرة زيت
  • 1 ملعقة صغيرة فلفل أسود
  • 1 ملعقة صغيرة بهارات دجاج
  • 1 ملعقة صغيرة بابريكا
  • 1 ملعقة صغيرة قرفة
  • 1 ملعقة صغيرة مرقة دجاج بودرة
  • 1 ملعقة صغيرة ثوم مفروم
  1. أولاً إغسلي أوراك الدجاج كويس جداً بالليمون والخل والملح والماء وصفي الماء بعد كدة 😍
  2. جيبى الكبة أو محضرة الطعام وحوطي فيها البصل والثوم والطماطم والفلفل الرومي و1/4 كوب ماء وأخلطي كل المكونات مع بعض 😍
  3. جيبى طبق عميق وحوطي فية الخليط الموجود في الكبة وحوطي علية الملح، والفلفل الأسود، والبابريكا، والقرفة، وبهارات الفراخ، ومرقة الدجاج الفورية، والزيت، والكاتشب، والصلصلة، والخل، والليمون وقلبي كل المكونات مع بعض كويس جداً 😍
  4. ضيفي أوراك الدجاج للتتبيلة وقلبيهم كلهم مع بعض وبعد كدة غطيها وسيبيها في التتبيلة مش أقل من 3 ساعات او ممكن تعمليها من بليل بتكون أحسن😍
  5. جيبى صينية وحوطي فيها أوراك الدجاج وحوطي في الصينية 1/2 كوب ماء ودخلي الصينية الفرن على درجة حرارة 180 لمدة ساعة او ساعة ونصف حسب ما تستوي وتاخد لون حلو وبعد لما تستوي خرجيها من الفرن وسيبيها تبرد حبة 😍
  6. قدمي اوراك الدجاج بعد كدة مع رز بالشعيرية وبطاطس أو رز مبهر أو مكرونة اسباجتي او مع العيش وسلطة الطحينة هي حلوة في جميع الأحوال أنا عملتها بجانب رز بالشعيرية ومكعبات بطاطس كانت حلوة جداً حطيت البطاطس مع الدجاج مع بعض في الفرن واستوت مع الدجاج 😍
  7. بجد الوصفة حلوة جداً ولذيذة جربيها أكيد هتعجبك 😍💚💛❤️🌷
  8. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →