→ كل الوصفات
وصفة صحية جداً مناسبه للعشاء وخصوصاً للي بيعمل رجيم و في نفس الوقت لو انتي عندك وصفة استخدمتي الصفار ومش عارفه تعملي إيه بالبياض ماترمهوش اعملي اومليت خفيف وصحي وهيعجبكم جداً بإذن الله ❤️ انا بس علشان حاطه كله في طبق واحد مش باين شكله ك اومليت بس انا بحب بعد ما اعمله اجمعه على بعض و اجمع باقي مكونات الوطبه بتاعتي في طبق واحد
المقادير
- 2 بياض بيض
- رشة ملح
- رشة كمون
- 1 طماطم مقطعة مكعبات
- 1 فلفل رومي مقطع مكعبات
- 1/4 كوب جبنة موزاريلا مبشورة خالية الدسم (اختياري)
طريقة التحضير
- هتخفقي في بولة بياض بيض كويس اوي لحد ما يبقى رغوي ولونه ابيض يعني تقريبا ١٠ دقائق او اقل بحاجه بسيطة
- نزلت عليه بتوابل و الخضار المقطع وخفقتهم مع بعض دقيقه بس علشان يختلطوا
- وفي طاسه غير لاصقه بدون اي مواد دهنية او لو طاسة بتاعتك بتلصق حطي رشه من زيت زيتون وعلى نار هتنزلي بالخليط في طاسة واول لما يستوي من تحت ومن فوق بدأ يتماسك هتقلبيه على ناحيه تانيه ياخذ لون ويستوي اكتر
- ولو انتي هتحطي الجبنة ممكن اول لما تنزلي بالخليط بيض ويبدأ يتماسك حطي الجبن من فوق وبعدين هتاخدي طرف اومليت وتقفلي اومليت بحيث يكون زي ساندوتش وخليه ياخذ لون من جهتين وقدميه
- انا قدمته جنب جبنة و سلطة وبألف هنا ❤️
- ملحوظة : ١- انا بصراحة ما استخدمتش الجبنة و في نفس الوقت بحب اجمعه على بعض علشان كده شكله مش باين اوي ك اومليت ٢- تقدري تحطي اي خضار تحبيه عادي وممكن تكتفي انك تحطي بقدونس مفروم وتوابل براحتك طبعاً
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد