→ كل الوصفات

اجمل طاجن باميه باللحمه الموزه 😋😋😋

#التحدي_الالماسي

  • كيلو باميه
  • كيلو لحم موزه
  • 3 كوب عصير طماطم مصفي
  • 2 بصله مفروم
  • 7 فصوص ثوم مفرومين
  • قرن فلفل احمر مفروم اختياري
  • 3 معلقه معجون طماطم
  • 2 معلقه زبده
  • معلقه زيت
  • 4 فص حبهان
  • 2 ورق لورا
  • معلقه صغيره ملح
  • معلقه صغيره فلفل اسود
  • معلقه شطه حاره اختياري
  • معلقه صغيره بهار لحم
  • 1/4 معلقه جوزه الطيب
  • ملعقة كزبره ناشفه
  • مكعب مرقه
  • كوب ماء
  1. نضع حله على النار ومعلقه زبده وزيت حتى يسخنوه وننزل عليهم بالبصل المفروم ونقلبه حتى يصفر وننزل ب٣فص ثوم مهروسين ونقلبهم والحبهان واللورا ونقلب ونضع قطع اللحمة ونقلبهم معاهم على نار عاليه اولا حتى تحتفظ اللحمة بعصارتها
  2. ونضع الملح والفلفل وبهار اللحم والشطه ومكعب المرقه ونقلبهم مع اللحم وننزل عليهم بعصير الطماطم ومعجون الطماطم ونتركهم على نار وسط حتى تتسبك الطماطم
  3. ونضع عليهم الباميه ونقلبهم وكوب الماء ونتركها تغلي نص ساعه علي نار هاديه ونضع عليها الفلفل الأحمر المفروم ونحمر باقي الثوم في ملعقة زبده مع الكزبرة الناشفه وننزل على الباميه ورشه جوزه الطيب ونضعها في طاجن وتدخل فرن سخن تقريبا ٣٠ دقيقه وبألف هنا
عجبتك الوصفة؟
شوف كل وصفاتنا في مكان واحد
كل الوصفات →