→ كل الوصفات
طريقة عمل احلى تورته بخطوات بسيطة وتكلفة على اد الايد ❤❤❤❤ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 بيضة
- كيس فانيليا
- كوب ونصف سكر او حسب الرغبة
- كوب ونص لبن وظبطي في الاخر على حسب نوع الدقيق
- 1/2 كوب زيت + ملعقة سمنه بلدي
- 3 كوب دقيق
- كيس بايكينغ باودر
- معلقة خل
- كاكاو
- كيس كريم شانتيه دريم / او كريم شانتين خام ونضيف له سكر
- فنجان لبن
- 1/2 كوب لبن
- 1/2 كوب زيت
- 1/2 كوب سكر
- 2 ملعقة كاكاو
- شوكولاته فرمسيه
- تشوكليت شيبس
- شيكو بون او اي حاجه انتي شيفاها مناسبة
طريقة التحضير
- هنضرب ال 3 بيضات مع كيس الفانيليا بمضرب البيض على الاقل 10 دقائق لحد ماحجمهم يتضاعف ويبقى كأنه رغوة بيضة
- متنسيش تفتحي الفرن يسخن على مانخلص باقي الخطوات😊
- هنحوط السكر واللبن والزيت ونضرب لحد ما السكر يذوب وبين ننخول الدقيق والبيكنج بودر ونضيفه لخليط البيض بالتدريج يعني نضيف جزء من الدقيق ونقلب وهكذا. وبعد كده نضيف ملعقة خل صغيرة ونقلب المكونات كويس
- لو عايزة الكيكه تبقى بيضا تمام او ممكن نضيف معلقتين كاكاو 😉
- في قالب هندهنه زيت ونرش رشة دقيق بسيطة وننزل بيه بالخليط ونحوطها في فرن سخن على درجة حرارة ١٨٠ 🥵🥵🥵
- متفتحيش عليها الفرن غير بعد نص ساعة وتختبريها بسكينه.. هتدخل السكينه في نص الكيكه لو طلعت نضيف يبقى استوت لو فيها عجينه يبقى سيبيها ١٠ دقائق تاني وبوصي عليها 👀👀👀
- خلاص استوت ؟! متعمليش فيها اي حاجه الا لما تبرد
- وهي الكيك في الفرن بقى تعالي نجهز الكريم شانتيه لو جايبة كيس جاهز زي دريم هتفضي الكيس وعليه فنجان لبن ساقع وتضربي حوالى 8 دقائق بمضرب كهربا طب لو خام من العطار هتحوطي فنجان لبن وسكر بودرة وظبطي القوام بتاعه
- صوص الشوكولاتة نص كباية لبن ونص كباية زيت ونص كباية سكر ومعلقتين كاكاو حوطيهم على بعض واضربيهم في الخلاط لحد ما قوامه يتماسك
- هنطلع الكيكه من الفرن ونسبها تبرد خااالص هنخرجها من القالب وبسكينة حلويات نقسمها نصين وهاتي مية بسكر او لبن بسكر او مشروب غازي لونه ابيض (ربع كوب) وبالمعلقة كده اسقي الكيك بسيط عشان ميعجنش يعني حوالى ربع كباية بس للنصين اللي قسمنهاهم
- ملحوظة ممكن تضيفي ملعقة من صوص الشوكولاتة للكريم شانتيه
- حوطي طبقة كريم شانتيه وومكن على ذوقك بقى تضيفي فاكهة بتحبيها او لو عايزاها كلها شوكولاته حوطي تشوكلشيلشيبس وصوص الشوكولاتة اللي عملناه واقفلي نصين الكيكه على بعض تاني
- قالب الكيك رجع لشكله الطبيعي😂 طبقة كريم شانتيه وزينيها بصوص الشوكولاتة والشوكليت شيبس والشوكولاتة فرماسيه🎂🎂🎂🎂🎂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد