→ كل الوصفات
طريقة عمل احلى جلاش باللحمه المفرومه على طريقتي 👌😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ملعقتين زيت
- 3 حبات بصل مفروم
- 1/2 كيلو لحمة مفرومه
- بهارات
- فلفل اسود وملح حسب الرغبه
- لفه جلاش
- 1/2 كوب سمنه سايحه
- م ص ملح وفلفل اسود
- 1 بيضه 🥚
- كوب حليب 🥛
- ملعقه صغيره بيكنج باودر
طريقة التحضير
- عصاج اللحمة هنحط الزيت في حله و ننزل بالبصل المفروم و نقلب لحد ما يذبل و ننزل باللحمه المفرومه و نقلبها لحد ما تغير لونها و ننزل البهارات و شويه فلفل اسود و ملح حسب الرغبه
- بعدين هنجيب صينيه ندهنها سمه و نبدأ نرص الجلاش بين كل ورقتين سمنه لحد نصف الكمية وبعدين نضيف اللحمة المعصجه و نكمل النصف التاني من الجلاش و بردو بين كل ورقتين ندهن سمنه لحد منخلص النصف التاني من لفه الجلاش و بعديت نقطعه حسب الرغبه ممكن مثلثات و ممكن صوابع بس انا بعمله مربعات زي الى في الصوره كدا👇
- و بعد ما نخلص رص الصينيه نجيب بوله او طبق صغير و نحط البيضه و ملح و فلفل اسود و ملعقه البيكنج باودر و نقلبهم ونسقي الصينيه بيهم و ندهن الوجه سمنه و ندخلها الفرن على حراره متوسطه و مش بتأخذ وقت
- ولمه الوجه يحمر نقدمها بلهنا و الشفا و يارب تعجبكم طريقتي😊🌸👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد