→ كل الوصفات

احلى رز بلبن ممكن تعمليه

#التحدي_الفضي

  • كوبايه رز صغيرة
  • لتر لبن
  • معلقتين كريم شانتيه
  • 5 معالق نشا او على حسب مايحتاج
  • قليل زبيب وجوز هند لو بتحبيه
  • فانيليا
  • لتر ونص ماء
  • سكر على حسب رغبتك
  1. صباحك عسل يامزه. هنا بقى احلى طريقه للرز بلبن اول حاجه هاتى الحله بتاعتك وحطى فيها لتر ونص ماء وسبيها تغلي
  2. اول ماتغلي انزلى عليها بكوبايه صغيرة من الرز المصري المغسول وكوبايه صغيرة مش كبيره يعني كوب الخمسينه بتاعه الكوفي ميكس😂
  3. اول ما يغلو مع بعض غطي وخففي زي الشمعه وسيبي الرز لحد ماينفش ويبقى مهري ومنتشر في قلب الحله😂🤭
  4. بعد كده هتضيفي السكر على حسب مانتى بتحبي انا بحط قرب النص كيلو عشان بحبه مسكر وممكن تحطي وتظوقي لحد ماتوصلي للتسكيره اللي انتى بتحبيها
  5. قلبي بقى كله في بعضه وحطي بقى دلوقتي اللبن. لبن معلب لبن جاموسي إللى تحبيه.. على الهادى لحد مايغلي. اوعي تعلي لأحسن يفور وساعتها هتروحي عند الحاجه على طول 😂😂
  6. خلاص بيغلي اهو حطي بقى شويه زبيب و الفانيليا والكريم شانتيه وقالي وبعد كده هاتى نص كوب ماء ودولي فيها النشا وضيفيه وقلبي لحد مايتقل
  7. اول مايتقل وتقلبي هتلاقي الرز عايم على الوجه كده يبقى ربط يلا بقى فرغيه في الكاسات وزوقيه بجوز هند وزبيب ودوقي احلى واطعم رز بلبن من ايد دودي
عجبتك الوصفة؟
شوف كل وصفاتنا في مكان واحد
كل الوصفات →