→ كل الوصفات
# شكرا _Salma Salma على الفكرة
المقادير
- قطعة لحم بدون دهن(هبرة) نقطعوها الى شرايح طوليا
- 4 سنينات ثوم مسكرفجين
- حبة طماطم صغيرة مقطعة قطع صغيرة
- 0.5 حبة بصل مقطعة صغير
- زعيترة
- ملعقة اكل زيت
- التوابل فلفل اسود و كمون
- هريسة ادا تحبو الحار
- بالنسبة لخبز الشاورما
- 250 غرام فرينة (طحين او دقيق)
- ملعقة اكل خميرة الخبز
- ملعقة صغيرة سكر
- 2 ملاعق زيت
- ملح
طريقة التحضير
- في علبة نخلطو اللحم و الثوم و الطماطم و البصل و ملعقة زيت و الملح و التوابل و الزعيترة نفلقو العلبة و نحطوها في الثلاجة اطول مدة ممكنة باش يتنكه اللحم..... نحطوه يطيب (يستوي)في مقلاة
- بالنسبة الخبز : نحطو الفرينة (طحين) و الخميرة و السكر نخلطوهم نضيفو الزيت و الملح و نطمو العجينة بالماء دافي.. نتحصلو على عجينة طرية نخلوها تختمر حتى يتضاعف الحجم ديالها
- نقرصوها و نبداو نحلو بالوحدة بالحلال و نرشو الفرينة (طحين) باش متلسقش نحلوهم دوائر رقاق و نطيبوهم في المقلاة تاع ليكراب ميحمارش نبقو نقلبو فيه غير يتنفخ نحوه و نحطوه في كيس بلاستيكي باش مييبسش
- نقدموها مع لفريت و سلطة... انا نحب فريت (بطاطا مقلية) شاورما مايونيز 😘😋😋😋😋 بنة بنة و الله خير مالتاع برا
- تقدرو تستعملو الدجاج او الديك الرومي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد