→ كل الوصفات

احلى كفتة حاتي بدون نشويات 🌮 هتبطلي تجيبي جاهز

#وجبات_كيتو #المرور_الاول #وصفات_كيتو قولي باي للكفتة الحاهزة بعد الطريقة دي و ادعولي لما تجربوها و اللي ماشيين على نظام الكيتو الوصفة دي تبقى حلوة جداا ليهم نحتاج الى خلة طويلة لتصبيع الكفتة. وللشواية, صينية وشبكة وورق فويل وفحم وقطعة كرتون للتهوية على الشواية

  • 1/2 كيلو لحمة مفرومة
  • واحدة بيضة بدرجة حرارة الغرفة
  • 1 بصلة كبيرة مفرومة متصفي منها عصير البصل
  • عصير البصلة المفرومة
  • حزمة مفرومة مكونة من شبت و بقدونس و كزبرة
  • 1/2 م.ك سماق
  • 1 م.ك بهارات BBQ (من العطار)
  • 1/2 م.ك ملح
  • 1/2 م.ك فلفل اسود
  • 1/2 م.ك بصل بودرة
  • 1/2 م.ك ثوم بودرة
  • قرون فلفل حااار (اختياري)
  • قليل زيت, للفحم
  1. نخلط كل المكونات ماعدا عصير البصل
  2. نبدأ نصبع الكفتة.. نأخذ حتة من اللحمة و نصبعها على الخلة و طول مرحلة التصبيع نبل ايدينا بعصير البصل لحد ما نخلص كل الكمية
  3. نغلف الصينية كلها بالفويل من برة و من جوة
  4. نولع حوالي ٤ او ٥ فحمات كويس جداا و نحطهه في الصينية و نضيف معاهم شوية فحم كمان و نولع النار و نسيبهم لحد ما الفحم كله يولع و نحط الشبكة على الصينية
  5. نبدأ نحط الكفتة عفى الشبكة و ننقط زيت على الفحم السخن عشان ريحة الفحم تطلع على الكفتة و نحهوي عليها بالكرتون.. يا سلاااام على دي ريحة 🙈🙊
  6. و يلا سلام بقى لو كام قرن فلفل حاااار ناااار مشوي كمان
  7. و اتمتعو باحلى طبق كفتة مشوية في البيت 😋😋
عجبتك الوصفة؟
شوف كل وصفاتنا في مكان واحد
كل الوصفات →