→ كل الوصفات
#وصفات_بالاخضر انا عارفه ان كلكم بتعملوها واحلى كمان بس حبيت اوريكم طريقتي يارب تجربوها وتعجبكم باذن الله😇🙏👼 #Mame_Shef
المقادير
- 1/2 ك ملوخية خضره مخروطه او ناشفه
- شوربة اي شوربة عندك يفضل ارانب او حمام او فراخ بلدي
- ثوم مفروم ناعم
- 2 م ك سمنه
- كزبرة ناشفه
- قرن فلفل حار مش حتحسي بيه بس بيفرق كتيير
- ملح حسب الحاجة
طريقة التحضير
- الملوخية الخضرا نقرطفها ونغسلها كويس وننشلها من الماء ونصفيها ثم نفردها وننشفها على صينية امام مروحه او لفيها في فوطه نظيفه داخل كيس الغساله واقفلي كويس وحطيها عالتجفيف ☺
- وبعدين بالمخرطة تخرطيها وانتي بتخرطيها حطي معاها قرن الفلفل او اتنين واخرطيهم مع بعض حتفرق كتير
- لو ملوخية ناشفه ننخلها ونضعها ببوله مع مغرفه شوربة ساخنه ونقلبهم كويس ونسيبها ربع ساعة على جنب حتبقه خضره ونكمل نفس خطوات التاليه
- نضعها في حله على نار متوسطة بها كوب شوربة مغليه تقريبا مغرفتين كبار والبيكربونات ونقلب وممكن تزودي شويه شوربة لو احتاجت لغايه منوصل للقوام المناسب وتأخذ قلبه ونشيلها على جنب
- في طاسة على النار نضيف الثوم المدقوق مع الكزبرة والملح على ملعقتين سمنة ونقلب يذوب تأخذ لون وتشيلي منها معلقتين على جنب. والباقي تاخدي مغرفه من الملوخية عليها وبعدين تضيفي الخليط على حله الملوخيه
- لما تقدميها تأخذ نص غلوة وتحطيها في طبق او طاجن وعالوش باقي التقلية. وتقدم بالف هنا🤗🤗🤗
- ملحوظة💌 متغليش الملوخية ولا تغطيها عشان متسقطش في الحله. ممكن تضيفي ن ملعقة صغيرة البيكربونات بيحافظ على لونها الاخضر الزاهي ومبيخلهاش تسقط منك
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد