→ كل الوصفات
طريقة عمل احلي بسبوسه الحلواني وبدون جوز هند سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو دقيق سيمولينا(دقيق بسبوسه) (3 كوب)
- 1 كوب لبن(حليب)
- 3 معالق طعام سمنه
- 1 كوب سكر
- 0.5 معلقه طعام بيكنج بودر
- مكسرات للتزيين
- للشربات
- كوب ونص سكر
- 2 كوب وربع ماء
- فانيليا او بشر ليمونه
- عصير ليمونه
طريقة التحضير
- نسخن الفرن علي 180
- نخلط المواد الجافه مع بعض ونخلط المواد السائله مع بعض وبعدين نضيف ثلث السائل ونعجن بادينا من 5 الي 6 دقايق وبعدين نكمل ونعجن لحد ما يتكون عندنا عجينه لينه طريه وناعمه
- نجيب صينيه قطر35 وندهنها سمنه ونبل ايدينا ونفرد العجينه ومتبقاش سميكه ويفضل في نفردها في صينيه البسبوسه ان وجدت
- نرص المكسرات علي الوش وممكن نكسرها ونرشها عليها كلها ونقطعها مربعات
- وندخلها الفرن الي ان يبقا لون الحواف دهبي متحمر نطفي الفرن ونشغل الشوايه اللي فوق ونحمر الوش بحذر ومتابعه
- اول ماندخلها الفرن نبدأ بعمايل الشربات نحط السكر عليه المايه ع النار دون تقليب الي ان يغلي ونحط عليه الليمونه يغلي غلوه واحده ونطفي وبعدين نحط الفانيليا
- نطفي الفرن ونخرج البسبوسه وهي ساخنه ونصب عليها نص الشربات المغلي الساخن ونرجعها تاني الفرن المطفي دقيقه وبعدين نطلعها نسقيها باقي الشربات وندخلها تاني دقيقه ونطلعها ونسيبها3ساعات وبعدين بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد