→ كل الوصفات

احلي فريك بالكبد والاوانص والدجاج ❤❤

طريقة عمل احلي فريك بالكبد والاوانص والدجاج ❤❤ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فرخه (الكمية اللي عوزاها)
  • 2 كوب فريك
  • كبد اوانص ومش لازم كمية كبيره
  • 2 بصله (واحده للفراخ وواحده للفريك)
  • معلقه بهارات (فلفل وملح وجنزبيل)
  • ورق لورا وشطه وحبهان
  • مرقه دجاج
  • قطعه فحم صغيره وورق الومونيا للتغطيه
  1. اولا هجيب الفراخ واغسلها كويس وبعدين اسلقها
  2. اجيب حلة. واحط فيها ماء لحد ماتغلي وبعدين اضع فيها الفراخ لحد ماتكون رغوة واشيلها بالمعلقة وبعد كدا اضيف الفراخ واضع عليها (بصله مقطعة اربعه _ معلقه صغيره (ملح _وفلفل اسود _وجنزبيل) وحبهان وورق لورا ونص مرقه واسيبها لحد ماتستوي واسيبها علي جنب مع الاحتفاظ بالشربه عشان هستخدمها تاني 😍
  3. بعد كدا اجيب حله تانيه واحط فيه زيت او سمن وبعدين بصلة تكون مبشوره واقلب فيهم لحد مالبصله تحمر شويه وبعدين اضيف الاوانص الاول وبعدين الكبدة مع التقليب لحد مااخلطهم مع بعض (اكون مقطعة الكبد والاوانص قطع صغيره)
  4. وبعد كدا هضيف عليهم كوبيتين فريك ويكون مغسول ومتصفي واقلبهم وبقيت المرقه بعد كدا اضيف بقي شربه الفراخ اللي حضرتها واقلبهم لحد مايغلو وبعدين اوطي النار عليهم واغطيها ❤
  5. نيجي بقي للفراخ اخدتها احمرها في زيت او سمنة لوحدها علي الجنبين عشان تكون مقرمشه وليها طعم بعد كدا اخدها احطها علي الفريك اللي عملته واحط قطعة فحم صغيره واغطي الحله بورقه فويل واسيبها في الفرن ربع ساعه. وبعدين اشيل الفحم وبالهنا والشفا 💕💓✋
عجبتك الوصفة؟
شوف كل وصفاتنا في مكان واحد
كل الوصفات →