→ كل الوصفات
يالا يا، وصفة حبيت امثل بيها بلدي مصر 🇾🇪 في عيد ميلاد
المقادير
- ارنب مقطع
- م ك سمنة ويفضل فلاحي
- ا بصلة صحيحة
- 1 طماطم صحيحة
- 2 عود ورق البصل الاخضر
- 3 من كل (حبهان ، مستكة ، ورق لوري)
- م ص من كل (بهار فراخ ، فلفل اسود)
- 2 مكعب ماجي
- ملح حسب الاحتياج
- للتحمير (سمنة ، رشة ملح وفلفل)
- 3 كوب شوربة ارنب
- كوب ملوخية ناشفة او اكثر شوية
- 1 طماطم مبشورة
- 1 م ص ثوم مفروم
- 1/2 م ص كزبرة ناشفة
- للتقلية (م ك ثوم مفروم ، م ك كزبرة ناشفة، سمنة)
- مكعب ماجي
- ملح حسب الاحتياج
- ارز ابيض
- مخلل مشكل
- طماطم مخللة (هقول طريقتها تحت)
- ليمون
- شوربة ارنب بلسان العصفور
- عيش
طريقة التحضير
- اولا الارنب : في حلة اضع سمنة وانزل (حبهان ، مستكة ، ورق لوري) وانزل الارنب اشوحه لمدة ربع ساعة علي نار متوسطة ،
- بعدين اضيف (بهار فراخ، فلفل اسود) واشوحه تاني وبعدين اغمره بالماء الساخن واضع معه الخضار (بصلة ، طماطم ، ورق البصل الاخضر) اسيبه يغلي لحد لما يستوي خالص ، بعدين الماجي والملح ،، بعدين في طاسة اضع سمنة واحمر فيها الارنب من الناحيتين وارش عليه رشة ملح وفلفل وبس كدة ،،
- ثانيا الملوخية : في حلة اضع (الشوربة ، طماطم مبشورة ، م ص ثوم مفروم ، رشة كزبرة ناشفة) واسيبها تاخد غلوة مع بعض كويس جدا ،
- بعدين اضيف الملوخية شوية بشوية مع التقليب المستمر لحد لما توصلي لقوام الملوخية المظبوط ) واهدي النار شوية ،
- بعدين في طاسة اضع سمنة وانزل ب (م ك ثوم مفروم ، م ك كزبرة ناشفة) واشوحهم بس من غير ما تغمق واسمي الله وانزل بالتقلية علي الملوخية من غير صريخ بقي ولا نلم الجيران 😃 واضع الماجي واظبط الملح وبس كدة ،،
- ثالثا التقديم : قدمتها مع ١/طماطم مخللة (٣ طماطم مقطعة ، م ك خل ، م ك زيت ، نص م ص ثوم مفروم ، رشة ملح وفلفل وكمون وشطة) ، ٢/ شوربة ارنب بلسان العصفور (لسان عصفور متحمر في سمنة ونزلتوبيه علي الشوربة لحد لما يستوي) ، ٣/مخلل ، عيش وبالف الف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد