→ كل الوصفات
هذا الروز علماتولي جدة ربي يحفضهالي و يشفيها يا رب انا نسميه روز ليه ليه لانو ثمثم يوجد و يجي بزااف بنين انا منحبش لكرنب بسح في هذي الوصفة ميجيش يبان طول نتمنى تجربوه و بالصحة والراحة
المقادير
- 2 قرن فلفل احمر حلو
- 2 قرن فلفل أخضر حلو
- ¼ حبة كرنب (ملفوف)
- كاس طماطم مرحية
- كاس ارز
- 2 كاس ماء
- ثوم ملح فلفل اسود كمون فلفل احمر حلو فلفل احمر حار
- مغرفة هريسة
طريقة التحضير
- نقطع الفلفل الاحمر و الاخضر و الملفوف طوليا
- نقلي لكرنب و كي يذبل شوي نضيف عليك مغرفة ثوم مرحي و نخليه يذبال مليح ثم نضيف الفلفل و نكمل نقلي كلش حتى يذبالو ثم نضيف التوابل ملح فلفل اسود كمون مغرفة فلفل احمر حلو و مغرفة حار و مغرفة صغيرة هريسة و نقليهم شوي و نضيفة كاس الطماطم ثم نغسل الارز حتى يولي الماء صافي و نضيفو معاهم يتقلى
- ثم نضيف زوج كيسان ماء و نغطيو عليها بحيث ميخرجش البخار و نقصو للنار طول و نخليه حتى يطيب الروز المهم منخلطوش الروز طول غير كي يبدا ينشف نحركو قدرة باه يتحرك هو و نذوقو اذا لقيتو مطابش نزيدلو شوي ماء و نزيد نخليه يغلي شوي انشاء الله تكونو فهمتوني و كي يطيب بالصحة و الهناء انا قدمتو مع شرائح دجاج مشوية و كل واحد كيفاه يقدمو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد