→ كل الوصفات
اللهم صل وسلم على سيدنا محمد عليه افضل الصلاة والسلام ❤ #مملكة_الفراشات هذا الروز يجي بنين بزاااف مع الخضر لي ضفتها معاه انا نموت عليك هكا
المقادير
- كأس ونصف ارز بسمتي
- حبة بصل صغيرة مرحية
- حبة طماطم صغيرة مرحية
- فصين ثوم مرحيين
- ملح وفلفل أسود ورأس الحانوت والفلفل احمرئ
- ملعقة صغيرة طماطم مصبرة
- حفنة جلبانة
- حبة جزر صغيرة مقطعة مربعات صغار
- حبة بطاطا
- حبة كوسة
- حبة باذنجال
- جناحتين دجاج
طريقة التحضير
- في طنجرة ندير زوج ملاعق زيت مع الجناح بعدها نضيف البصل والطماطم المرحية تتقلا زوج دقايق نضيف الملح والتوابل والطماطم مصبرة ونزيد نقلي خمس دقايق هكيك نحط الجلبانة والجزر ونصف كأس ماء سخون نخليها خمس دقايق ونمرق
- الأرز نغليه في الماء والملح وشوية زيت 12د ارز بسمتي.نصفيه ونزيدلو ملعقة صغيرة زبدة ونخليه بجيه
- البطاطا نقشرها ونقطعها مربعات صغار ونفس الشي مع الكوسة والباذنجال نقليهم ونخليهم بجيه.الباذنجال نمرغو في الفرينة ونقيه باش ميتشربش الزيت
- كي طيب المرقة نجيب مول يدخل للكوشة ندير فيه الأرز والبطاطا والكوسة والباذنجال ونصب عليهم المرق بيه بالجلبانة والجزر ونخلط كلشي وندير الجناح من فوق نحطلهم شوية زبدة من فوق وندخلهم الفرن باش يتشرب الأرز المرق.ونقدمو بالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد