→ كل الوصفات

ارز بالخضار مدخن بالفحم ودجاج محمر

طريقة عمل ارز بالخضار مدخن بالفحم ودجاج محمر سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 اكواب رز بسمتي او اي نوع حبه طويله
  • 0.5 دجاجه
  • 2 فلفل رومي
  • 1 حبة ونصف بصل
  • 3 فص ثوم
  • ملعقتين رب البندوره
  • كيس بازيلا وجزر مجمده
  • 2 فحم
  • 1/2 كوب زيت نباتي
  • فلفل اسود حب
  • زنجبيل
  • لومي
  • ورق غار
  • هال حب
  • ملعقه فلفل اسود
  • ملعقة زنجبيل
  • ملعقة كاري
  • ملعقة كركم
  • ملعقة بهارات دجاج
  • واي بهارات بتحبي نكهتها عادي تضيفيها 😉
  • 3 ملاعق لبن
  • ملعقة رب البندوره
  • البهارات الناعمه المذكوره فوق
  • بقدونس
  • مكسرات
  1. ننقع الرز نص ساعه تقريبا بماء دافيه
  2. بعد تنضيف الدجاج ،، بالطنجره بضيف زيت نباتي ونصف بصله والثوم وبحركهم ليذبلوا وبضيف البهارات الخشنه وبقلبهم ليصير الزيت بنكهتهم وبضيف الدجاج وبقلب ليتغير لون الدجاج للابيض تقريباً بضيف لتر وربع ماء وبغطيهم وبتكرهم تقريبا ساعه الا ربع ليستوي الدجاج عالاخر
  3. طريقة عمل الرز، بضيف زيت نباتي والبصل والفلفل الرومي وبقلبهم و بضيف البازيلا والجزر بعد ما اكون غسلتهم بماء دافيه وصفيتهم
  4. بضيف البهارات وبقلبهم مع بعض وبضيف ملعقتين رب البندوره وبضيف مرقة الدجاج (بعد ما اصفيها من الدجاج والبصل والبهارات الخشنه) وبغطيه ليغلي الرز ويبلش ينشف بخفف الحراره عالاخر وبتركه ثلث ساعه او نص ساعه هيك بكون جهز الرز 👌🏽
  5. لشوي الدجاج، بصحن مجوف بضيف 3 ملاعق لبن وفوقه ملعقة رب البندوره والبهارات وبخلطهم مع بعض وبدهن الدجاج وبرتبه ببايركس وبدخله للفرن ليتغير لونه ويصير احمر ذهبي
  6. بطنجرة الرز برتب الدجاج وبحط بالوسط فنجان فيه شوية زيت وبكون عندي فحم مولع وجاهز، بحط الفحم بالفنجان وبغطيه دغري لمدة 5 دقايق هيك الرز والدجاج بيتدخن بنكهة الفحم
  7. وبس يجهز بقدمه بطبق التقديم وبزينه بالبقدونس والمكسرات يقدم مع السلطه او اللبن. 💙 وصحه وهنااا
عجبتك الوصفة؟
شوف كل وصفاتنا في مكان واحد
كل الوصفات →