→ كل الوصفات

ارز بالخلطة

طريقة عمل ارز بالخلطة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 معلقة سمن
  • ملعقة زيت
  • 1/2 ك قوانص وكبدة دجاج (او الكمية حسب الرغبة)
  • 2 كوب ارز مغسول
  • 2 فص ثوم
  • معلقة صغيرة قرفة
  • ملح حسب الذوق
  • 1/2 ملعقة صغيرة فلفل اسود
  • زبيب ولوز وصنوبر
  • لعمل الكراميل
  • ٢ ملعقة سكر
  • ٢ كوب ماء
  1. بحط معلقتين السمن ومعلقة زيت (عشان يطلع مفلفل وبيلمع) وبحمر زبيب تحميرة بسيط وأطلعه، واحمر المكسرات لو فيه واشيلها
  2. وفي نفس السمن انزل قوانص الفراخ مع رشة قرفة واشوحها شوية مع ½ كوب ميه لحد ما تشرب المية تماما اضيف الكبدة مع فص توم ورشة فلفل اسود واشوحها خمس دقائق، بعدين اشيلهم من الحلة على جنب مؤقتا
  3. اضيف الرز في نفس الحلة مع ملعقة سمن او زبدة واشوحه مع رشة قرفة صغيييرة واحط عود قرفة وملح ، لحد ما يتغلف وينشف بدون ما يغير لونه واحط عليهم الكبد والقوانص
  4. اروح نازلة بمية الكراميل وهي عبارة عن: اكون مجهزة ملعقة كبيرة سكر لكل كوب رز، واسيحها على النار لحد ما تتكرمل لون ذهبي بلاش تغمقي عشان مايمررش ، بعدين ضيفي الميه عالكراميل حسب مقدار الرز، يعني لو هتعملي مثلا كوبيتين أرز يبقى معلقتين سكر مكرملين مع كوبين ميه. ثم ضيفي السائل عالرز وسوي الرز نفس التسوية العادية بقى
عجبتك الوصفة؟
شوف كل وصفاتنا في مكان واحد
كل الوصفات →