→ كل الوصفات

ارز بالخلطه والمكسرات

طريقة عمل ارز بالخلطه والمكسرات سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب ارز مغسول
  • 0.5 كيلو كبده فراخ
  • بصله كبيره مبشوره
  • معلقه صغيره ثوم مفروم
  • واحده فلفل رومى مقطع
  • ملح وفلفل اسود حسب الرغبة
  • معلقتين زيت
  • معلقتين سمنه
  • معلقتين كاتشب
  • مكعبين مرقه دجاج
  • معلقه صغيره كاري
  • معلقه صغيره كركم
  • 0.25 معلقه قرفه
  • بصله صغيره مقطعه صغير للرز
  • مكسرات محمصه وزبيب للتقديم
  1. هنغسل الكبده جيدا ونقطعها مكعبات صغيره
  2. في حله هنضع ملعقة ملعقة زيت ومعلقه سمنه وننزل بالبصله نحمرها شويه ومعاها ملعقة الثوم المفروم والفلفل الرومى ونقلبهم كويس
  3. ونضيف الكبده المقطعه ونقلب ولما يتغير لونها نضيف الفلفل الاسود والملح وتقلبتين ونطفى النار وكده جهزنا الكبده
  4. لعمل الرز في حله هنضع كوبايتين ماء وعليهم ملعقة الكاتشب ومكعبات المرقه والكارى والكركم والقرفة وملح وفلفل وبصله مقطعه صغير ومعلقه الزيت والسمنه ويغلو على النار هنضيف الرز اول ما يتشرب الماء نوطى عليه لحد ما يستوى
  5. في قالب هنضع الكبده في القاع وفوقيها الرز ونقلب القالب ونجمله بالمكسرات المحمصه والزبيب ونقدمه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →