→ كل الوصفات

ارز بالشعيرية مع روزي صوص 😍🍛

هادي وصفة بزاف ساهلة ومتديش لوقت مناسبة للمرأة العاملة ولا ربة بيت تكون مشغولة مع لولاد توجدها في وقت قصير

  • صدر دجاج
  • حبة بصل
  • ملعقة زبدة
  • ملعقة زيت
  • م ص اعشاب منسمة ، توابل الدجاج، ملح ،فلفل اسود كركم،زنجبيل، كيري
  • 4 فصوص ثوم, رقائق الحار
  • م ك موتارد ، م ص خل
  • م ص طماطم مصبرة
  • كأس كريمة الطبخ
  • 100 g جبن شيدار مبشور
  • 1/2 كأس ماء
  • كأسين ارز
  • 1/2 كاس شعيرية
  • 4 كؤووس ماء
  • ملعقة معدنوس
  • ورقة رند
  1. في مقلاة نحط زبدة وزيت ونحط البصل مقطع مربعات وكي يذبل نحطلو الدجاج مقطع مربعات مع ثوم وملح وتوابل ورقائق الفلفل الحار وموتارد وخل نقليهم مليح ونخلي الدجاج يخرج كامل لماء تاعو ويطيب كي ينشف نزيد طماطم نقليها مليح ونضيف ورقة رند نصف كأس ماء ونخليها طيب
  2. بعدما ينقص لماذا نضيف كريمة الطبخ والجبن المبشور ونخليها تعقد ونطفي عليها
  3. من جهة أخرى نحظر الارز تاعي نجيب زوج كيسان روز نغسلهم مليح ونخلي روز لماء نصف ساعة ومبعد نصفيه ونخليه وفي قدر ندير زبدة وشعيرية ونخلطها حتى تدي لون ذهبي نزيدلها روز نخلطهم مليح ونضيف الماء لازم يكون فوق عقدة الاصبع بشوية نخليه يطيب على نار قوية وكي يبدا يغلي نقص لنار شمعة ونحطو يطيب ونديرلو ملح وفلفل اسود برك كي يطيب نحرك لوجه بفرشيطة ونخليه يرتاح نصف ساعة ونقدمو مع الصلصة وبالعافية حبيباتي
عجبتك الوصفة؟
شوف كل وصفاتنا في مكان واحد
كل الوصفات →