→ كل الوصفات
بجد روعة أتمني تجربوه و على فكرة لو عندك ولاد هايحبوا الطبق دة أوووووي لأن الألوان هاتعجبهم خالص و مش تقليدي شبه الرز باللبن اللي أحنا متعودين عليه
المقادير
- 1/2 كوب ارز مصري
- كيلو ونصف حليب
- 2 معلقه كبيره نشا
- 1/2 كوب ماء
- 2 معلقه كبيره كريم شانتيه بودره
- ڤانيليا
- سكر حسب الرغبه
- باكيت چيلي اى نوع
- اى فواكه موجوه عندك
طريقة التحضير
- نضع في اناء نص كوب رز ويكون مغسول نضع عليه كيلو حليب مغلي غطى الاناء وسيبيه ساعتين وبعدين حطيه على نار هاديه وسيبى الرز يستوى في الحليب ولما الرز يستوى هتلاقى اللبن قل شويه زودى نص كيلو الحليب الباقى وهو على النار وحطى سكر حسب ما تحبى والڤانيليا و بودرة الكريم شانتيه وقلبى
- ثم دوبى معلقتين النشا في نص كوب ميه وحطيه على الرز وقلبى لحد ما يتقل واغرفيه في اطباق صغيرة او كاسات هنغرف نص كمية الرز بالحليب في الطبق ونحطه في التلاجة يبرد خالص لحد لما وشه يجمد
- طريقة الجيلي هانتبع التعليمات المكتوبة على العلبة كيس جيلي نغلي كوب ماء وأول ما يغلي نطفي النار ونحط الجيلي ونقلب جامد حتى الذوبان وبعدها نضيف كوب ماء ساقع عليه عشان يبرد وبعدين نطلع الارز باللبن ونحط فوقه كمية الجيلي في كل طبق وعليه الفواكه
- ونضعه في التلاجة تانى حتى يجمد تماما وممكن نزين الوجه نضع ايس كريم او كريم شانتيه و بالف هنا ويارب يعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد