→ كل الوصفات
طريقة عمل ارز باللبن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كوب أرز
- 1 كوب سكر
- كيلو لبن
- ملعقة كبيرة نشا
- معلقة كبيرة لبن بودر (دى بقى اول تاكة 😉)
- معلقة كبيرة كريم شانتيه (و دى تاكة تانية 😉)
- رشة فانيليا
- للوجه
- قليل مكسرات
- قليل جوز هند
- ملعقة زبيب
- رشة قرفة
طريقة التحضير
- هنغسل الارز و نحطه على النار يستوى بشوية ماء
- و بعد كده نحط عليه اللبن و السكر يكمل سواه بيه
- و نكون مجهزين كوباية ماية ندوب فيها النشا و لبن البودر و الكريم شانتيه كويس اوي علشان ميكلكعش
- بعدين ننزل بيه على اللبن و الارز اول ما يبدأ يغلى و نقلب كويس اوي
- نهدي النار علشان ندي فرصة للنشا تستوي
- اول ما تبدأ تعمل فقاقيع نحط الفانيليا و نقلب تقليبتين كده و نطفى على طول
- نغرفه بقى و نزينه بأى مكسرات و شوية جوز هند و زبيب و رشة قرفة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد