→ كل الوصفات

ارز باللبن

ارز باللبن مع سر ال٤ معالق #سر_الطبخه

  • 2 كيلو لبن جاموسى كامل الدسم
  • كوب ارز مصري
  • كوب سكر
  • 2 معلقه لبن بودرة
  • 2 معلقه بودرة ايس كريم فانيليا 😐
  • 2 معلقه سوبيا😐
  • معلقه نشا كبيره
  • مكعب زبده
  • فانيليا سائله
  1. اولا هنغلى كوب ماء وبعد الغليان هضيف عليها كوب الارز واقلبها واطفى النار واغطيها واسبها منقوعه مده ساعة
  2. اللبن كيلو هغلى ويطلع على الوجه قشطه والتانى هحطه في الحله ال هشتغل فيها واول مايدفا على النار هضيف الرز المنقوع واسيبه على نار هاديه عشان الرز يستوي في
  3. هحضر الحاجات ال كتبناها فوق واحضر كوب فيها ربع كوب ماء واضيف فيها المكونات كلها معادا السكر والفانيليا وادوبهم كويس ولما احس ان الرز استوى وابتدى يطلع النشا هضيف المكونات مع التقليب المستمر
  4. بعد كده هضيف مكعب الزبده والسكر وارجعه ثاني على النار مع التقليب المستمر ولما احس انو بقى كريمي وجميل اضيف نقطتين الفانيليا واطفى النار
  5. الخطوات لو اتعملت بالترتيب كله ال هيكله هيقولك دا احلى رز بللبن اكلته لما بيستوى الرز في اللبن بيخلى طعمه غنى وكريمى والاضافات دى بتخلى طعمه زي بره بالظبط واضافة السكر في المرحله الاخيره وبردو الفانيليا السائله بتفرق كتير اتمنى تجربو
عجبتك الوصفة؟
شوف كل وصفاتنا في مكان واحد
كل الوصفات →