→ كل الوصفات

ارز بخاري بمكونات بسيطة ،، وطعم ولا اطيب🍜

ورجعت لكم بعد غياب ،،حبيت اعمل ارز بخاري بس بمكونات بسيطة وموجوده بكل بيت ،، وكل شخص بيعملها ع طريقته الي بفضلها

  • 0.5 دجاجه
  • كاس ونص ارز شعلان او بسمتي
  • حبتين جزر
  • راس بصل وسط
  • 3 فصوص ثومة
  • زبيب حسب الرغبة
  • فحم
  • ومكسرات لزينة
  • والباقة العطرية الكاملة ،، بالاضافة الي بهار البخاري
  1. بتقطعيه الدجاجه وبتنظفيها بالخل والملح ،، وبتسلقيها مع الباقة العطرية من البهارات
  2. بتنقعي الارز بالمي السخنه والملح ورشة كركم
  3. بتبرشي الجزر وبتقطعي البصل والثومة جوانح،، وبتقلبيهم مع الزبيب وشويه سمنه ورشة بهارات مشكله وكاري وملح
  4. بتصفي الارز من المي منيح ،، وبضيفي عليه الخلطة على الارز وبتقلبيها لياخد الارز النكهة
  5. بتصفي الدجاج من مرقته وبتحطيه باسفل الطنجرة وبضيفي عليه الارز ،، وبعدين بضيفي مرقة الدجاج ،، انا بضيفها ع النظر ما بحط معيار معين ،، وبتتركيه ليستوي
  6. بهاي الاثناء بتكوني مولعة الفحم وبس يقرب يستوي الارز بتفحميله مع شويه زيت
  7. وبتقدمي الطبق وبتزينيه بالمكسرات،،مع السلطة او اللبن ،، وصحتين والف عوافي
عجبتك الوصفة؟
شوف كل وصفاتنا في مكان واحد
كل الوصفات →