→ كل الوصفات
اول مرة بعمله والنتيجة كانت رااااائعة وكتير حبيناها بنصحكم تجربوه
المقادير
- قطع دجاجة مقطعة الى تمن
- تتبيلة الدجاج
- عصير ليمونة.فنجان زيت زيتون.ملح.فلفل
- بهار مشكل.قرفة.كاري.بابريكا.شطة بودرة
- بصل بودرة.توم بودرة.تلات معالق كاتشب.كاسة مي
- للارز
- كاستين ونص رز تايجر
- معلقتين سمنة او زبدة وزيت
- بصلة مفرومة.سنين توم مفروم
- كاسة جزر مبروش.عصير نص ليمونة
- 0.5 كاسة زبيب.تللت معالق سكر
- بهار.ملح فلفل معلقة ونص كاري.كركم
- ماجي
- حبتين لومي مطحونين وعشر حبات هيل مطحونات
- لسلق الارز تمن كاسات مي وخمس حبات قرنفل.ملح.معلقة سمنة
طريقة التحضير
- اول شي بنتبل الدجاج ومنحطو بصينية وبنقصدرو وعالفرن ساعة بنضل نفقدو ونضيفلو مي ازا اتشرب وبعد الساعة بنكشفو وبنحمرو
- الارز اول شي بنحط تمن الى تسع كاسات مي والقرنفل وملح وزبدة وزيت وبس يغلو بنحط الرز بنسلقو فيه خمس دقايق بس وبعديها بنصفيه وبنغسلة بمي باردة شوي
- بنحط بطنجرة تيفال معلقة زبدة ومعلقة زيت او سمنة بنقلي فيها البصل بعدين التوم وبهدها الهيل واللومي وبنقلب منيح حتى تطلع ريحتهم بنحط الزبيب وبنقلب بعدها لجزر وبعدين البهارات واتركيهم خمس دقايق يستوو وبعدهاعصير ليمونة والسكر وبنقلب منيح وضيفيلها شوي مي وقلبي منيح واطفي النار شيليهم من الطنجرة وبلشي حطي طبقات بنفس الطنجرة طبقة رز طبقة الخلطة هاي الي عملناها وطبقة رز وطبقة خلطة لحد متخلص الكمية وبندوب شوية زعفران وماجي او كركم وماجي بنص كاسة مي سخنة وبنديرها علوجه
- بنحطه عنار عالية خمس دقايق بعدها عنار هاااااادية ربع ساعة بس بعد ميمر عشر دقايق قلبي الرز حتى بختلط ويوخد طعمة من الخلطة واتركيهم خمس دقايق تانيين وطفي ويقدم وفوقة الدجاج المتبل المحمر
- طبعا ممكن تحطيلو فحمة ازا بتحبيه مدخن او فيكي لا انا بصراحة حطيتلو فحمة الطعم والله روووعة بنصحكم تجربوها وخبروني بالنتيجة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد