→ كل الوصفات

ارز بسمتي باللحم المفور

زوجي يحب الوصفة اكلها مرة في دبي لما رجع للجزائر كل يوم يقلي ديريلي الرز باللحم المفور وانا اول مرة اجربها دخلت

  • ارز سيلا بسمتي
  • لحم حسب افراد العائلة
  • توابل مشكلة او راس الحانوت
  • فلفل اسود
  • كركم
  • كمون
  • فلفل احمر حلو والحار حسب الذوق
  • زنجبيل
  • ثوم مرحي
  • ملعقة كبيرة موتارد (خردل)
  • حشيش و معدنوس (بقدونس) و وريقات رند (غار)
  • ملح
  • زيت
  • ملعقة طماطم مصبرة
  • مغرف متوسطة زبدة
  1. اول حاجة نديرو قدرة فيها الما نديرولها لنص ونروحو نجيبو اللحم تاعنا الى كونا تبلناه ليلة من قبل نغلفوه بورق الطهي ونعاودولو بورق الالمنيوم نستفوه في الكسكاس نحطوه يطيب (يستوي)ونغطوه بالغطيوة تاع الكسكاس نخلوه يطيب (يستوي)بعقلو يدس تقربي من 4سوايع ل 5 سوايع كي يدير 4 سوايع نطلو عليه نشوفوه على حساب اللحم كاين الى عاصي وكاين الى طياب
  2. لتتبيلة انا جيبت بول كيبير حطيت فيه مغرف صغيرة فلفل اسود مغرف متوسطة توابل مشكلة م غ ص بابريكا م غ ص كركم م غ م زنجبيل م غ ك موتارد (خردل) م غ م طماطم مصبرة م غ م زبدة قطعت حشيش ومعدنوس وديرنلهم الزيت حليتو فيهم اوبعد نجبو اللحم تاعنا نحكو فيه تتبيلة ندخلوها فيه مليح وغلقو عليه نديرولو ورقات رند (غار) نحطوح في باطة تتغلق ونخلوه يبات في الثلاجة
  3. نجبيو الرز انا نحط طنيجرى تقيلة تكون ندير مغرف زبدة وشية زيت كي تذوب البدة نكيل الرز على حساب افراد العائلة كاس ولا زوج كل واحد وكيفاش المهم هو كيلة تاع الرز بزوج كيلات ما نحط الرز نقليه شوية نديرلو الملح وريقات رند (غار) كبار الى كان كاين ونجمة لرض باش يتنكه الى تحبو صفر تزيدلو زعفران ولا متديروش ونمرقو بالما نقص النار ونخليه يطيب (يستوي)في غرضو وحد 15 دقيقة نطل عليه نحركو كي ينشف نفرغو في حاجة واسعة ونحركو
  4. كي يطيب (يستوي)اللحم نجيب طبق التقديم نحط الرز الى راح يولي حبة حبة كي يريح ونزين باللحم ومكسرات الى كان كاين وشوية حشيش وكل وحدة كيفاش تبدع
عجبتك الوصفة؟
شوف كل وصفاتنا في مكان واحد
كل الوصفات →