→ كل الوصفات
#التحدي_الالماسي
المقادير
- كيلو ارز مفور حوالي
- صلصة الطماطم
- بصلة كبيرة
- حبة جزر كبيرة
- حبة كوسى كبيرة
- حبة طماطم كبيرة
- 3 فصوص ثوم كبيرة
- زيت للقلي
- توابل
- ملح
- فلفل اسود
- فلفل احمر
- زنجبيل و كاري
- معدنوس (بقدونس)
- دبشة (كزبرة)
- كرافص شويا
- ملعقة كبيرة طماطم علب
- ملعقة كبيرة زبدة
- ماء
طريقة التحضير
- اول حاجة نقيو لروز و زحطوه في الماء نشللوه مرتين و نخليوه في الماء شويا باش يطلق البيوضة لي فيه ، و نحطو الماء فوق النار مع شويا ملح ، كي يغلي الماء نصفيو الأرز لي كنا حاطينو في الماء و نحطوه في الماء الغليان ، نبداو نحسبو من لي بدأ يغلي لحوالي 11 دقيقة طفي عليه و صفيه و خليه يقطر من الماء الزايد
- مبعد نقشرو الخضر و نرحيوهم نحطوهم في مقلاة مع التوابل و الحشيش و نقليوهم على نار متوسطة
- فالوقت لي يكونو الخضر قاعدين يتقلاو ، نقي الكبدة تاعي و نقصها قطع صغيرة كي يتقلاو مليح نزيدو حبة الطماطم بعد ما نكونو رحيناها و نضيفو أيضا الكبدة لي كا قطعناها نخليوهم يتقلاو شويا و نمرقو بالماء
- كي نشوفو بلي الكبدة طابت نضيفو طماطم علب و نخليوهم يطيبو و يتنكهو مع بعض
- كي يطيبو نطفيو ماننساوش نخليو شويا مرق يعني مانشيحوهاش خلاص تجي فيها صوص ، نحطو الصوص تاعنا فوق الأرز و نخليوه يتجمر و نزيدولو مغرف كبيرة زبدة و يقدم ، بنين بزاف ننصحكم تجربوه و ماهوش صعب
- و بالصحة و العافية ، كاين لي كي يقدمو يحطلو شويا حشيش من فوق للزينة ، حسب الذوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد