→ كل الوصفات
انا كنت منعرفش كامل نطيب ارز كيما نديرو ميجيش بنين مرة من مرات زرت أهلي انا وزوجي ولقينا ماما مدايرة الأرز كي ضاقو زوجي العزيز عجبو بزاااف وقال لموما بنتك طيب وتفنن و دير كلش بنين غير الارز ميجيهاش بنين قالها علميها الوصفة ومن هذيك وانا نديرو كل اربعاء انشاء الله يعجبكم يجي بزااااااااااف بنين وسر تاع ذوق والبنة تاعو في ملعقة الزنجبيل
المقادير
- كاس ارز منقوع في الماء مدة ساعة
- حبة بصل مقطعة مربعات صغيرة
- حبة جزر مقطعة مربعات
- حمص حسب الرغبة
- قطعة دجاج
- ن م ك زبدة
- م ك زيت
- ملح وفلفل اسود حسب الرغبة
- م ص زنجبيل مرحي ويكون مليح
- ن م ص ثوم مرحي
- م ص كركم
- قليل من المعدنوس
- ماء للتمريق
طريقة التحضير
- بسم الله في كوكوت ندير زبدة وزيت ونحط قطعة الدجاج تتقلى مليح وتاخذ تحميرة
- نزيد البصل ونقليه حتان يذبال نضيف المعدنوس والتواصل ونقليهم أيضا مليح
- نضيف جزر والحمص ونقليهم أيضا مليح ونمرق بماء يكون يغلي
- نغلق عليه حتان طيب قطعة الدجاج بعد مطابت قطعة دجاج نحيتها وضفت الارز المصفى من الماء وضفتو للمرق وعاودت غلقت الكوكوت
- درتو على نار هادئة جدا مدة ربع ساعة حتان تشرب المرق وكان هذا هو شهية طيبة
- ملاحظة: مرق لي يبقى بعد ما تنزعي الدجاج يكون حوالي 2 كؤوس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد